മമ്മൂട്ടി സാറിന് അപ്പോൾ ഈഗോ കാണിക്കാമായിരുന്നു, പക്ഷേ: സാധന..!

പേരൻപ് എന്നാൽ വലിയ സ്നേഹമെന്നാണ് അർഥം. അച്ഛൻ–മകൾ സ്നേഹത്തിന്റെ കഥ പറയുന്ന പേരൻപ് തീയറ്ററുകളിൽ നിറഞ്ഞോടുകയാണ്. സിനിമയിൽ മമ്മൂട്ടിയോടൊപ്പം തന്നെ അഭിനന്ദനങ്ങൾ ഏറ്റുവാങ്ങുകയാണ് സാധന വെങ്കിടേശ് എന്ന പതിനാറുകാരി പെൺകുട്ടി. സംവിധായകൻ റാമിനൊപ്പമുള്ള സാധനയുടെ രണ്ടാമത്തെ ചിത്രമാണ് പേരൻപ്.
പേരൻപ് എന്ന ചിത്രത്തില്‍ മമ്മൂക്കക്കൊപ്പമുള്ള അനുഭവത്തെക്കുറിച്ച് സാധന മനസ്സ് തുറക്കുന്നു.

കേവലം ഒരു ചിത്രംമാത്രം ചെയ്ത അനുഭവവും കൊണ്ടാണ് നാനൂറോളം സിനിമകളിൽ അഭിനയിച്ച ഒരു പ്രതിഭയ്ക്കൊപ്പം ഞാൻ അഭിനയിക്കാൻ എത്തുന്നത്. എന്റെ ജീവിതത്തിൽ എന്തൊക്കെയാണ് വന്നുചേർന്നിരിക്കുന്നതെന്ന അദ്ഭുതമായിരുന്നു ആദ്യം. സിനിമയോടും കഥാപാത്രത്തോടും അദ്ദേഹം പുലർത്തുന്ന ആത്മാർഥത എന്നെ അമ്പരപ്പിച്ചു.വികാരനിർഭരമായ രംഗങ്ങളിൽ അദ്ദേഹത്തിന്റെ കവിളിലെ പേശികൾ പോലും അഭിനയിക്കുന്നുണ്ടെന്ന് തോന്നിപ്പോയി. അമുദനായി അദ്ദേഹം ക്യാമറയ്ക്ക് മുന്നിൽ ജീവിക്കുകയായിരുന്നു. എടുത്ത രംഗങ്ങൾ പിന്നീട് സ്ക്രീനിൽ കാണുമ്പോഴാണ് എത്രമാത്രം ആത്മസമർപ്പണം ഓരോ രംഗത്തിലും നൽകിയിട്ടുണ്ടെന്ന് മനസ്സിലായത്.

എന്നെ അദ്ഭുതപ്പെടുത്തിയ മറ്റൊരു കാര്യം അദ്ദേഹത്തിന്റെ താഴ്മയാണ്. സിനിമയുടെ ട്രെയിലറിൽ അമുദവൻ മകളുടെ ചേഷ്ടകൾ അനുകരിക്കുന്ന ഒരു രംഗമുണ്ട്. അത് ചെയ്യുന്ന സമയം റാം സർ,എന്നോട് എങ്ങനെയാണ് പാപ്പ നടക്കുന്നതെന്നും മുഖംവെയ്ക്കുന്നതെന്നും മമ്മൂട്ടി സാറിന് കാണിച്ചുകൊടുക്കാൻ പറഞ്ഞു.

ഞാൻ എങ്ങനെ അത് പറഞ്ഞുകൊടുക്കും. അദ്ദേഹം എന്ത് ചിന്തിക്കുമെന്ന ആശങ്ക എനിക്കുണ്ടായിരുന്നു. എന്റെ അവസ്ഥ മനസ്സിലായതുകൊണ്ടാകാം, മമ്മൂട്ടി സാർ ഇങ്ങോട്ട് വന്ന് പാപ്പ നടക്കുന്നതൊക്കെ എങ്ങനെയാണെന്ന് കാണിച്ചുതരാമോയെന്ന് ചോദിക്കുകയായിരുന്നു.

ഇത്രയും അനുഭവസമ്പത്തുള്ള ഒരാൾക്ക് വേണമെങ്കിൽ ഈഗോ കാണിക്കാവുന്ന നിമിഷമായിരുന്നു അത്. എന്നെപ്പോലെയൊരു ചെറിയകുട്ടിയോട് ചോദിക്കാൻ പറ്റില്ല എന്ന് അദ്ദേഹത്തിന് വേണമെങ്കിൽ പറയാമായിരുന്നു. പക്ഷെ ഓരോന്നു ചോദിച്ച് മനസിലാക്കി റാം സാറിന് തൃപ്തിയാകുന്നിടം വരെ അദ്ദേഹം ആ രംഗം എടുക്കാനുള്ള മനസ്സ് കാണിച്ചത് അത്ഭുതപ്പെടുത്തി.

രാഷ്ട്രീയത്തിലേക്ക് പ്രവേശനം ഉണ്ടാകുമോ എന്ന ചോദ്യത്തോട് തന്റെ നിലപാട് വ്യക്തമാക്കി മമ്മൂട്ടി

മമ്മൂട്ടി തെരഞ്ഞെടുപ്പ് രാഷ്‍ട്രീയത്തിലേക്ക് ഇറങ്ങുന്നുവെന്ന് പലപ്പോഴായി റിപ്പോര്‍ട്ടുകള്‍ വരാറുണ്ടായിരുന്നു. തെരഞ്ഞെടുപ്പ് അടുക്കുമ്പോള്‍ സ്ഥാനാര്‍ഥിയായി മമ്മൂട്ടിയുടെ പേരും ഉയര്‍ന്നുകേള്‍ക്കാറുണ്ട്.

എന്നാല്‍ രാഷ്‍ട്രീയ പ്രവേശനം സംബന്ധിച്ച വാര്‍ത്തകള്‍ നിഷേധിച്ച് രംഗത്ത് എത്തിയിരിക്കുകയാണ് മമ്മൂട്ടി. ഒരു തെലുങ്ക് മാധ്യമത്തിന് നല്‍കിയ അഭിമുഖത്തിലാണ് മമ്മൂട്ടി മനസ് തുറന്നത്.

കഴിഞ്ഞ 38 വര്‍ഷത്തിലധികമായി താനൊരു നടനാണ്. സിനിമയാണ് തന്റെ രാഷ്‍ട്രീയം. പിന്നെ താൻ എന്തിന് വേറെ രാഷ്‍ട്രീയത്തില്‍ ചേരണം- മമ്മൂട്ടി പറയുന്നു.

ആന്ധ്ര മുൻ മുഖ്യമന്ത്രി വൈ എസ് രാജശേഖര റെഡ്ഡിയുടെ ജിവിതകഥ പ്രമേയമാകുന്ന യാത്ര എന്ന സിനിമയില്‍ നായകനാണ് മമ്മൂട്ടി. ചിത്രത്തിന്റെ പ്രചാരണവുമായി ബന്ധപ്പെട്ട അഭിമുഖത്തിലാണ് മമ്മൂട്ടി രാഷ്‍ട്രീയപ്രവേശനം സംബന്ധിച്ച വാര്‍ത്തകള്‍ക്ക് മറുപടി നല്‍കിയത്.

ഫെബ്രുവരി എട്ടിന് പുറത്തിറങ്ങുന്ന യാത്ര, മലയാളം, തെലുങ്ക്, തമിഴ് ഭാഷകളില്‍ പ്രദര്‍ശനത്തിനെത്തും. സുഹാസിനി മണിരത്‌നം, ജഗപതി ബാബു, റാവു രമേഷ്, അനസൂയ ഭരദ്വാജ് തുടങ്ങി ഒരു വലിയ താരനിര തന്നെ ചിത്രത്തില്‍ വേഷമിടുന്നുണ്ട്.

റൂം ബുക്ക് ചെയ്ത ഹോട്ടലിലെത്തിയപ്പോള്‍ റിസപ്ഷനിസ്റ്റിന്റെ ചോദ്യം ‘ഹീറോ എവിടെ എപ്പോള്‍ വരും’? ഹീറോ പിന്നാലെ ഉണ്ടെന്ന് പറഞ്ഞു; ഷൂട്ടിങിനിടെ ഏറെ ചിരിപ്പിച്ച അനുഭവം പങ്കുവച്ച്‌ പൃഥ്വി

പൃഥ്വിരാജ് നായകനാകുന്ന ഏറ്റവും പുതിയ ത്രില്ലര്‍ ചിത്രമാണ് നയന്‍. ഒരു സയന്‍സ് ഫിക്ഷന്‍ വിഷയം കൂടി കൈകാര്യം ചെയ്യുന്ന ചിത്രം കൂടിയാണിത്. പൃഥ്വിരാജ് പ്രൊഡക്ഷന്‍സിന്റെ ആദ്യ ചിത്രവും സോണി പങ്കാളികളായ ആദ്യ റീജിയണല്‍ ചിത്രവും ആണിത്.

9ന്റെ ഷൂട്ടിംഗിനിടെയുണ്ടായ രസകരമായ അനുഭവം പങ്കുവെചിരിക്കുകയാണ് പ്രിത്വി ഇപ്പോള്‍.അര്‍മാന്‍ എന്ന ഹോട്ടലില്‍ ആണ് സംഭവം നടക്കുന്നത്. ഹോട്ടലുകള്‍ എല്ലാം മാറി മാറി ആണ് താമസിച്ചിരുന്നത്. കാരണം ഒരു ഹോട്ടലും 30 ദിവസത്തേക്ക് കിട്ടില്ല.ആ ഹോട്ടലില്‍ പൃഥ്വിരാജിന് റൂം ബുക്ക് ചെയ്തിരുന്നു.

ഹീറോ ഇപ്പോള്‍ എത്തും അദ്ദേഹത്തിന്റെ റൂം റെഡിയാക്കി വയ്ക്കാന്‍ പറഞ്ഞു. അപ്പോള്‍ ആണ് രാജു അവിടെ എത്തിയത്. രാജുവിനെ കണ്ടതും റിസ്പഷനിസ്റ്റ് ഓടി അടുത്തേക്ക് വന്നു.

അയാളുടെ ചോദ്യം ആണ് പൃഥ്വിരാജിനെ ചിരിപ്പിച്ചത്, ‘ ഹീറോ എവിടെ എപ്പോള്‍ വരും’ , ചിരിച്ചു കൊണ്ട് പൃഥ്വിരാജ് പറഞ്ഞു ‘ഹീറോ പിന്നാലെ ഉണ്ട്, എത്താന്‍ ഒരു പത്തു മിനിട്ടെടുക്കും. വേണെല്‍ തോക്കോല്‍ ഞാന്‍ കൊടുത്തേക്കാം.’

തന്റെ ഫെയ്‌സ്ബുക്ക് പേജിലാണ് നയനിന്റെ പ്രൊമോഷന്‍ വീഡിയോയില്‍ രാജു ഇക്കാര്യം പറയുന്നത്.

‘മമ്മൂക്കയ്ക്ക് നൂറുമ്മകള്‍’; പേരന്‍പ് കണ്ട സണ്ണി വെയ്ന്‍ പറയുന്നു..!

മമ്മൂട്ടിയുടെ തമിഴ് ചിത്രം ‘പേരന്‍പി’ന്റെ കേരള പ്രീമിയറിന് മലയാളത്തിലെ മുതിര്‍ന്ന സംവിധായകരില്‍ പലരുമെത്തിയിരുന്നു. ചിത്രം കണ്ട ശേഷം ചിത്രത്തെയും മമ്മൂട്ടി ഉള്‍പ്പെടെയുള്ളവരുടെ പ്രകടനത്തെയും വാനോളം പുകഴ്ത്തുന്ന അഭിപ്രായങ്ങളാണ് സത്യന്‍ അന്തിക്കാടും കമലും സിബി മലയിലുമൊക്കെ പറഞ്ഞത്. ഇന്നത്തെ റിലീസിന് ശേഷം ചിത്രം കണ്ട അനുഭവം പറയുകയാണ് മലയാളത്തിന്റെ യുവനിരയിലെ ശ്രദ്ധേയ നടന്‍ സണ്ണി വെയ്ന്‍.

മനുഷ്യത്വത്തിന്റെ അതിജീവനമാണ് പേരന്‍പെന്ന് സണ്ണി വെയ്ന്‍ ഫേസ്ബുക്കില്‍ കുറിച്ചു. ‘ഒപ്പം താനൊരു മമ്മൂട്ടി ആരാധകനാണെന്നും.

നിരൂപകരും ആദ്യദിന പ്രേക്ഷകരും ഒരേപോലെ മികച്ച അഭിപ്രായമാണ് ചിത്രത്തെക്കുറിച്ച് പറയുന്നത്. മാസ് ഫോര്‍മുല സിനിമ അല്ലാതിരുന്നിട്ടും അനേകം ഹൗസ്ഫുള്‍ ഷോകള്‍ കേരളത്തില്‍ ഇന്ന് ചിത്രത്തിന് ലഭിച്ചു.

അടുത്തകാലത്ത് ഏറ്റവും വലിയ പ്രീ റിലീസ് പബ്ലിസിറ്റി ലഭിച്ച ചിത്രവും ഇതാണ്. കട്രത് തമിഴും തങ്കമീന്‍കളും തരമണിയുമൊക്കെയൊരുക്കിയ തമിഴിലെ മുന്‍നിര സംവിധായകന്‍ റാമിന്റെ കരിയറിലെ നാലാം ചിത്രമാണ് പേരന്‍പ്. അമുദവന്‍ എന്ന ഓണ്‍ലൈന്‍ ടാക്‌സി ഡ്രൈവറാണ് മമ്മൂട്ടിയുടെ കഥാപാത്രം. സാധനയാണ് അമുദവന്റെ മകളായി എത്തുന്നത്. ഇമോഷണല്‍ ഡ്രാമയാണ് ചിത്രം

1000 അല്ല 1200 കോടി മുതല്‍ മുടക്കില്‍ ലാലേട്ടന്‍റെ മഹാഭാരതം വരുന്നു..!

1000 കോടി മുതല്‍ മുടക്കില്‍ നേരത്തേ പ്രഖ്യാപിച്ച മഹാഭാരത ബേസ്ഡ് ഓണ്‍ രണ്ടാമൂഴത്തിനായി സംവിധായകന്‍ വി എ ശ്രീകുമാര്‍ പുതിയ നിര്‍മാതാവുമായി കരാറൊപ്പിട്ടു.ചിത്രം നിര്‍മിക്കുന്നതിനായി ഡോ എസ്.കെ നാരായണനുമായി ശ്രീകുമാര്‍ മേനോന്‍ ചര്‍ച്ച നടത്തിയെന്ന വിവരം മനുഷ്യവകാശ പ്രവര്‍ത്തകന്‍ ജോമോന്‍ പുത്തന്‍പുരയ്ക്കല്‍ കുറച്ച് ദിവസങ്ങള്‍ക്ക് മുന്‍പ് ഫെയ്സ്ബുക്കിലൂടെ പുറത്ത് വിട്ടിരുന്നു.ഇതിന് പിന്നാലെ കരാര്‍ ചര്‍ച്ചകള്‍ പൂര്‍ത്തിയായെന്നും 1200 കോടി രൂപ മുതല്‍മുടക്കില്‍ ചിത്രം നിര്‍മിക്കുന്നുവെന്നും ജോമോന്‍ പുത്തന്‍പുരയ്ക്കല്‍ പറയുന്നു. ഡോ.എസ്.കെ നാരായണനും ശ്രീകുമാര്‍ മേനോനും കരാറില്‍ ഒപ്പുവച്ചു എന്ന് വ്യക്തമാക്കി മറ്റൊരു ചിത്രം കൂടി പുറത്ത് വിടുകയും ചെയ്തു. എന്നാല്‍ ഇത് സംബന്ധിച്ച് സംവിധായകന്റെ ഔദ്യോഗിക പ്രതികരണങ്ങളൊന്നും പുറത്ത് വന്നിട്ടില്ല.

രണ്ടാമൂഴത്തിന്റെ ചിത്രീകരണം നീണ്ടുപോയതിനെ തുടര്‍ന്നാണ് എം.ടി തിരക്കഥ തിരികെ ആവശ്യപ്പെട്ട് രംഗത്ത് വരികയും നിയമനടപടികള്‍ സ്വീകരിക്കുകയും ചെയ്തത്. തുടര്‍ന്ന് രണ്ടാമൂഴം സിനിമ അനിശ്ചിതത്വത്തിലായി. എം.ടിയുടെ തിരക്കഥ ഇല്ലാതെ തന്നെ മഹാഭാരതം സിനിമ നിര്‍മിക്കുമെന്നാണ് ബി.ആര്‍ ഷെട്ടി നേരത്തേ പറഞ്ഞിരുന്നത്.

ആരാധകര്‍ കാത്തിരുന്ന ഐറ്റം എത്തി; തലൈവറുടെ പേട്ടയിലെ “മരണമാസ്സ്” സൊങ്ങ് ഫുള്‍ വീഡിയോ എത്തി.!

Loaded with all that is needed for the perfect Thalaivar swag! Presenting MaranaMass from Superstar Rajinikanth’s Petta! We bet this number by AnirudhRavichander is sure to get you on your feet, cos this one’s pure verithanam! Directed by Karthik Subbaraj, Petta

Watch the official Tamil song video now!