Author: Admin

നാട്ടിൻപുറത്തെ നന്മയുള്ള കാഴ്ചകളാണ് ഫസ്റ്റ് ലുക്ക് പോസ്റ്ററുകളും ടീസറും ട്രെയിലറും ഗാനവുമെല്ലാം സമ്മാനിച്ചത് എന്നുള്ളത് കൊണ്ട് തന്നെ , പതിവ് പോലെ ആദ്യ ദിവസം ആദ്യ ഷോ തന്നെ ലോനപ്പന്‍റെ മാമ്മോദിസ കാണണം എന്ന് മനസ്സിൽ മുൻപേ കുറിച്ചാണ് .. അതിനു പ്രധാന കാരണം മലയാളികള്‍ എന്നും തങ്ങളില്‍ ഒരാളായി കാണുന്ന , മലയാള സിനിമാ ലോകത്തെ എക്കാലത്തെയും മികച്ച കുടുംബ നായകന്‍ ജയറാം മലയാളികള്‍ക്ക് ഇഷ്ടപ്പെടുന്ന മാനറിസങ്ങള്‍ ഉള്ള ഒരു കഥാപാത്രമായി വരുന്നു എന്നത് തന്നെയാണ് ..

മഹാനായ ചലച്ചിത്രകാരന്‍ പത്മാരാജന്‍ കണ്ടെത്തിയ ആ അഭിനയ പ്രതിഭ എന്നും മലയാള കുടുംബങ്ങള്‍ക്ക് പ്രിയ നായകനായിരുന്നു . മലയാളികളെ പൊട്ടിച്ചിരിപ്പിച്ച , പൊട്ടിക്കരയിച്ച എത്രയത്ര സിനിമകള്‍ … മലയാളത്തിലും തമിഴിലുമായി എത്രയത്ര വേഷങ്ങള്‍ … അപരനില്‍ തുടങ്ങി ഒടുവില്‍ പഞ്ചവര്‍ണ്ണതത്തയിലെ വ്യത്യസ്തമായ കഥാപാത്രത്തിന് ശേഷം ലോനപ്പന്‍റെ മാമ്മോദിസയിലെ നാട്ടിന്‍പുറത്തെ ഒരു വാച്ച് റിപ്പയര്‍ ആയ ലോനപ്പന്‍ എന്ന ടൈറ്റില്‍ കഥാപാത്രത്തിലെത്തിനില്‍ക്കുമ്പോഴും മലയാളത്തിന്‍റെ പ്രിയ നടന്‍റെ ആ ലാളിത്യമാണ് മലയാളകുടുംബങ്ങള്‍ ജയറാമിനെ എന്നും നെഞ്ചിലേറ്റാനുള്ള പ്രധാന കാരണം എന്ന് പലപ്പോഴും തോന്നിയിട്ടുണ്ട് .. വിശ്വാസമാണ് കുടുംബപ്രേക്ഷകര്‍ക്ക് ജയറാം എന്ന കലാകാരനെ .. ! ആ വിശ്വാസം നൂറു ശതമാനം കാത്തുസൂക്ഷിക്കുന്ന രീതിയിലാണ് ലോനപ്പന്‍റെ മാമ്മോദിസയിലെ ലോനപ്പനെയും ലോനപ്പന്‍റെ മാമ്മോദിസ എന്ന സിനിമയെയും ലിയോ തദേവൂസ് അണിയിച്ചൊരുക്കിയിരിക്കുന്നത് .

ഒരു വാച്ച് റിപ്പയര്‍ ഷോപ്പ് (അമലോല്‍ ഭവ വാച്ച് റിപ്പയറിംഗ് & സെയില്‍സ് ) നടത്തുന്ന ലോനപ്പന്‍റെ (ജയറാം) ജീവിതത്തില്‍ ആകെയുള്ളത് നഷ്ടങ്ങള്‍ മാത്രമാണ് . അവിവാഹിതരായ മൂന്ന്‍ പെങ്ങന്മാരുടെ ഒരേയൊരു ആങ്ങളയായിരുന്നിട്ടും വലിയ ഉത്തരവാദിത്തങ്ങളൊന്നും തന്നെയില്ലാതെ, മറ്റുള്ളവരെയൊക്കെ കളിയാക്കി തന്‍റെ ജീവിതം മുന്നോട്ട് കൊണ്ടുപോകുന്ന ഒരു ടിപ്പിക്കല്‍ മലയാളിയാണ് ലോനപ്പന്‍ . പിണ്ടി പെരുന്നാളിന്റെ തലേ ദിവസം ആശുപത്രിയിൽ വെച്ചാണ് കോപ്പറേറ്റിവ് ബാങ്ക് ജോലിക്കാരി ലീന (ലിച്ചി) യെ കാണുന്നു . മധ്യകേരളത്തിലെ ഒരു ഇടത്തരം കത്തോലിക്ക കുടുംബത്തിലെ ജീവിതത്തിന്‍റെ ഫോട്ടോസ്റ്റാറ്റ് കോപ്പിയെന്ന പോലെ വളരെ റിയലിസ്റ്റിക് ആയി അവതരിപ്പിക്കുമ്പോള്‍ ലോനപ്പന് കൂട്ടിന് വെല്ല്യേച്ചി( ശാന്തി കൃഷ്ണ)യുണ്ട് . രണ്ടാമത്തെ പെങ്ങളായ , സ്കൂളിലെ ഒരു ഫിസിക്കല്‍ എജുക്കേഷന്‍ അധ്യാപിക കൂടിയായ സൂസന്ന (നിഷ സാരംഗ് )യുണ്ട് , ഇളയ പെങ്ങള് റോസിലി ( ഇവ പവിത്രന്‍ )യുണ്ട് . ഇവരുടെ ജീവിതത്തിലെ കൊച്ചു കൊച്ചു തമാശകളും നൊമ്പരങ്ങളും …… എല്ലാമാണ് ഈ സിനിമ .

കൂട്ടുകാര്‍ തങ്ങളുടെ പഴയ കാല വിദ്യാലയത്തില്‍ ഒരുക്കിയ പൂര്‍വ്വ വിദ്യാര്‍ഥി കൂട്ടായ്മയില്‍ പങ്കെടുത്തപ്പോഴാണ് ലോനപ്പന്‍ അക്കാര്യം തിരിച്ചറിഞ്ഞത് ..ലോനപ്പൻ ലോനപ്പനെ തിരിച്ചറിയാൻ വൈകിയതാണ് ലോനപ്പന്റെ പ്രശ്നങ്ങൾക്ക് കാരണം ..

ലിയോ തദേവൂസ് എന്ന സംവിധായകന്‍ വളരെ നന്നായി എക്സിക്യൂട്ട് ചെയ്ത ഒരു പെര്‍ഫെക്റ്റ്‌ ക്രാഫ്റ്റ് ആണ് ലോനപ്പന്‍റെ മാമ്മോദിസ എന്ന മലയാളിത്തമുള്ള ഈ സിനിമ . ഒട്ടും നാടകീയതയില്ലാത്ത അഭിനയമുഹൂര്‍ത്തങ്ങള്‍ , ഏച്ചുകെട്ടലുകള്‍ ഒന്നുമില്ലാത്ത നല്ല ക്ലാസ്സ്‌ കോമഡി . ഓരോ കഥാപാത്രങ്ങളുടെയും കൃത്യമായ കാസ്റ്റിംഗ് . പിന്നെ ജീവിതത്തിൽ വലിയൊരു ഗുണപാഠവും …
എല്ലാം കൊണ്ടും ഒരു ശരാശരി മലയാള സിനിമാ പ്രേക്ഷകനെ പൂര്‍ണ്ണമായും തൃപ്തിപ്പെടുത്തുന്ന മികവുറ്റ സിനിമയാണ് ലോനപ്പന്‍റെ മാമ്മോദിസ. കുറച്ചു നേരമുള്ളൂ എങ്കിലും ഇന്നസെന്‍റ് അവതരിപ്പിച്ച സ്കൂള്‍ മാഷൊക്കെ നമുക്ക് വളരെ പരിചിതമായ കഥാപാത്രങ്ങലാണ് . ഹരീഷ് കണാരനും ജോജുവുമൊക്കെ അഭിനയിക്കുകയല്ലായിരുന്നു .. ജീവിക്കുകയായിരുന്നു .

നാട്ടിന്‍പുറത്തിന്‍റെ നന്മ സംവിധായകന്‍ ഒപ്പിയെടുത്തപ്പോള്‍ നാട്ടിന്‍പുറത്തിന്‍റെ സൗന്ദര്യം ഒപ്പിയെടുക്കാനുള്ള അവസരം ലഭിച്ചത് സുധീര്‍ സുരേന്ദ്രനാണ് . സുധീറിന്‍റെ വിസ്മയിപ്പിക്കുന്ന ഷോട്ടുകള്‍ അളന്നു കുറിച്ചു വെട്ടിയെടുത്തു രഞ്ജന്‍ എബ്രഹാം ഒട്ടും ലാഗ് ചെയ്യാതെ പ്രേക്ഷകരുടെ മുന്‍പില്‍ ലോനപ്പന്‍റെ മാമ്മോദിസ അവതരിപ്പിക്കുന്നതില്‍ പ്രധാന പങ്കുവഹിച്ചു . ഹരിനാരായണന്‍എഴുതി അല്‍ഫോന്‍സ്‌ ഈണം നല്‍കി വിനീത് ശ്രീനിവാസന്‍ പാടിയ പുണ്യറാസാ എന്ന ഗാനം ഇതിനോടകം തന്നെ ഹിറ്റ്‌ ചാര്‍ട്ടില്‍ ഇടം നേടിയിട്ടുണ്ട് . അൽഫോൻസിൻറെ മകൻ ആലപിച്ച ചിങ്കാരിയാം എന്ന ഗാനത്തിന് മാധുര്യം അല്പം കൂടുതലായിരുന്നു . പെന്‍ &പേപ്പര്‍ ക്രിയേഷന്‍സിന്‍റെ ബാനറില്‍ ഷിനോയ് മാത്യുവാണ് സിനിമ നിര്‍മ്മിച്ചിരിക്കുന്നത്.

മാമ്മോദിസക്ക് പോയിട്ട് മനസ്സ് നിറഞ്ഞ് ഒരു അമ്പുപെരുന്നാള്‍ കൂടി , കൂടിയ ഒരു സുഖമാണ് ലോനപ്പന്‍റെ മാമ്മോദിസ കഴിഞ്ഞപ്പോള്‍ തോന്നിയത് .. മുന്നണിയിലും പിന്നണിയിലുമുള്ള എല്ലാവരും അവരവരുടെ റോളുകള്‍ ഭംഗിയായി ചെയ്തുവെങ്കിലും മാന്‍ ഓഫ് ദി മാച്ച് ഈ സിനിമയുടെ ക്യാപ്റ്റന്‍ ജയറാമിന് തന്നെയാണ് ..

ഇത് പൂര്‍ണ്ണമായും ജയറാമിനെ ഇന്നലെകളില്‍ സ്നേഹിച്ച അംഗീകരിച്ച കുടുംബപ്രേക്ഷകര്‍ക്കുള്ള സിനിമയാണ് .. ചുരുക്കി പറഞ്ഞാല്‍ ഇത് പഴയ ജയറാമിന്‍റെ സിനിമയാണ്

 

അഭിനയ സമൃദ്ധമാണ് മമ്മൂട്ടി .എത്ര കോരിയെടുത്താലും തീരാത്ത അക്ഷയ ഖനിയാണ് മമ്മൂക്ക— രഞ്ജി പണിക്കർ

കാലം കഴിയുംതോറും വീഞ്ഞിന് വീര്യം കൂടുമെന്ന് പറയുന്നത് പോലെ കാലം കഴിയും തോറും അഭിനയിച്ച് വിസ്മയിപ്പിക്കുകയാണ് മമ്മൂട്ടി
ബി.ഉണ്ണികൃഷ്ണൻ

എന്നെ വല്ലാതെ ഉലച്ചു കഴിഞ്ഞു പേരൻപിലെ മമ്മൂക്ക …….
സിബി മലയിൽ

ലോകം കണ്ട മികച്ച നടൻമാരിൽ ഒരാളാണ് മമ്മൂക്ക ഓരോ പ്രേക്ഷകന്റെയും ഹൃദയത്തെ ശുദ്ധീകരിക്കാൻ കഴിവുള്ള സിനിമയാണ് പേരൻപ് ……………. ബാലചന്ദ്രൻ ചുള്ളിക്കാട്

ഒരു സിനിമ കണ്ട് അതിശയിച്ച് പോയിരിക്കുകയാണ് ഞാൻ, മലയാളത്തിലെ എക്കാലത്തെയും പുതുമുഖ നടനാണ് മമ്മൂക്ക …………. സത്യൻ അന്തിക്കാട്

ഇത് പോലെ സൂക്ഷ്മാംശങ്ങൾ അഭിനയിക്കാൻ കഴിയുന്ന ഇന്ത്യയിൽ ഒരേ ഒരു നടനെയുള്ളു അത് മമ്മൂക്കയാണ് അത് കൊണ്ടാണ് ഇന്നും അന്യ ഭാഷ സംവിധായകർ മമ്മൂട്ടിയെ തേടി വരുന്നത്
അത് കൊണ്ടാണ് ജബ്ബാർ പട്ടേൽ അംബേദ്ക്കർ ആയി മമ്മൂക്കയെ തിരഞ്ഞെടുത്തത് പേരൻപിലൂടെ ദേശീയ അവാർഡ് മലയാളത്തിൽ വീണ്ടും എത്തും …………………….. കമൽ

മമ്മൂക്കയുടെ കണ്ഡം ഇടറിയാൽ മമ്മൂക്കയുടെ കണ്ണ് നിറഞ്ഞാൽ നമ്മളുടെ കണ്ഡം ഇടറും നമ്മളും കരയും
………………. ലിജോ ജോസ് പെല്ലിശ്ശേരി

പണ്ട് തനിയാവർത്തനം കണ്ട് ഞാൻ കരഞ്ഞിട്ടുണ്ട് അന്ന് മുതൽ പ്രതിഞ്ജ എടുത്തതാണ് ഇനി ഞാൻ ഒരിക്കലും കരയില്ല എന്ന് അല്ലെങ്കിൽ ഒരു നടനും എന്നെ കരയിപ്പിക്കാൻ കഴിയില്ല എന്ന്
ഈ ദിവസം വരെ ഞാൻ ജയിച്ചു പക്ഷേ ഇന്ന് ഞാൻ കരഞ്ഞു ഞാൻ വീണ്ടും തോറ്റു എന്നെ വീണ്ടും കരയിപ്പിച്ചത് മമ്മൂക്കയാണ് എന്നെ വീണ്ടും മമ്മൂക്ക തോൽപ്പിച്ചു…….. എസ്.എൻ. സ്വാമി

ലോക സിനിമയിലെ ജ്വലിച്ച് നിൽക്കുന്ന അഗ്നിയുടെ പേരാണ് മമ്മൂക്ക…………..
ജി.എസ് പ്രസാദ്‌

ആയിരം അവാർഡുകൾക്ക് തുല്യമാണ് ഈ വാക്കുകൾ
THE FACE OF INDIAN CINEMA
മെഗാസ്റ്റാർ സൂപ്പർ സ്റ്റാർ പത്മശ്രീ ഡോ: ഭരത് മമ്മൂട്ടി

മധുരരാജായുടെ സെറ്റിൽ നിന്നും ഉള്ള ചിത്രം ആണ് വയറൽ ആകുന്നത്.നേരത്തെ തന്നെ സണ്ണി ലിയോൺ ചിത്രത്തിൽ അഭിനയിക്കാൻ ആയി കൊച്ചിയിൽ എത്തിയിരുന്ന വാർത്തകൾ സോഷ്യൽ മീഡിയയിൽ തരംഗം ആയിരുന്നു.ഇപ്പോൾ ഐറ്റം ഡാൻസിന് ഇടക്കുള്ള മമ്മൂക്കയുടെയും സണ്ണിയുടെയും ചിത്രം ആണ് സോഷ്യൽ മീഡിയയിൽ വയറൽ ആകുന്നത്.

പ്രണവിന്റെ രണ്ടാം ചിത്രം പ്രേക്ഷകർ സ്വീകരിച്ചോ ? | Irupathiyonnam Noottandu Theatre Response !!

താര സദസ്സിൽ വിനയന്റെ മകന്റെ വിവാഹ സൽക്കാരം

അർജൻറീന ഫാൻസ് കാട്ടൂർകടവ് എന്ന ചിത്രത്തിലാണ് കാളിദാസും ഐശ്വര്യയും ഒന്നിക്കുന്നത്.