ലുസിഫെറിലെ ആദ്യ ഗാനം എത്തി ;വീഡിയോ കാണാം

Presenting you the Lyric Video Of Varika Varika From The Malayalam Movie Lucifer Directed By Prithviraj Sukumaran Music composer : Late Devarajan Master Lyrics : Late Amsi Narayana Pillai Music Redesigned , arranged programmed and produced by Deepak Dev. Singer : Murali Gopy Recorded at Devs wonderland Engineered by Deepak Dev Mixed and mastered by Shadab Rayeen Orchestral percussions : Nirmal Antony . Backing vocals: Prakash babu, Pradeep babu, Zia ul Haq, Sudheesh, Lal krishna Lyrical Video concept and execution : Akhil S Kiran Movie : Lucifer Director : Prithviraj Sukumaran Screenplay : Murali Gopy Producer : Antony Perumbavoor Banner : Aashirvad Cinemas Cinematography : Sujith Vaassudev Music : Deepak Dev Editing : Samjith Mohammed Action : Stunt Silva Chief Associate : Vava Production Controller : Sidhu Panakkal Art : Mohandas Makeup : Sreejith Guruvayur Costume : Sujith Sudhakaran Finance Controller : Manoharan K Payyanur Still Photography : Sinat Savier Publicity Designs : Anand Rajendran @ GRZ Productions

നിങ്ങള്‍ ആരും പ്രതീക്ഷിക്കാത്ത ഒരു ട്വിസ്റ്റ്‌ ലുസിഫെറില്‍ ഉണ്ട് ;ബാലാ

പ്രേക്ഷകർക്ക് ഊഹിക്കാൻ കഴിയാത്ത ട്വിസ്റ്റുകൾ നിറഞ്ഞ സിനിമയായിരിക്കും ലൂസിഫറെന്ന് നടൻ ബാല. നിറയെ ട്വിസ്റ്റുകൾ നിറഞ്ഞ , എല്ലാവർക്കും ഇഷ്ടപ്പെടുന്ന ഫാമിലി എന്റർടെയ്നറായിരിക്കും ലൂസിഫറെന്ന് ബാല പറഞ്ഞു. താൻ ആദ്യമായി സംവിധാനം ചെയ്ത ഹിറ്റ്ലിസ്റ്റ് എന്ന സിനിമയിൽ പൃഥ്വിയെ അഭിനയിപ്പിക്കാൻ സാധിക്കാതിരുന്നതിന്റെ വിഷമം ലൂസിഫർ സിനിമയിലൂടെ മാറിയെന്നും ബാല വ്യക്തമാക്കി.

ബാലയുടെ വാക്കുകള്‍ ഇങ്ങനെ :

ഇത്രയും വലിയ താരനിരയും സാങ്കേതിക പ്രവർത്തകർകരും നിറഞ്ഞ സിനിമ, അതുകൊണ്ടുതന്നെ ഷൂട്ടിങ് സെറ്റും ഭയങ്കര സീരിയസ് ആയിരിക്കുമെന്ന് ഓർത്താണ് ഷൂട്ടിന് ചെല്ലുന്നത്. എന്നാൽ ഞാൻ വിചാരിച്ചതുപോലെയേ ആയിരുന്നില്ല. എല്ലാവരും അങ്ങോട്ടും ഇങ്ങോട്ടും കളിതമാശകൾ പറഞ്ഞ് ഇരിക്കുന്നു. ആക്‌ഷൻ രംഗങ്ങൾ ചെയ്യുമ്പോഴും അങ്ങനെ തന്നെ. ബുദ്ധിമുട്ടേറിയ ഫൈറ്റ് രംഗങ്ങളായിരുന്നു സിനിമയുടേതെങ്കിലും ആസ്വദിച്ചാണ് അഭിനയിച്ചത്. തിരക്കഥാകൃത്തായ മുരളി ഗോപി സാർ മുഴുവൻ സമയവും സെറ്റിലുണ്ടായിരുന്നു.
എന്റെ സുഹൃത്ത് പൃഥ്വിരാജ് ആദ്യമായി സംവിധാനം ചെയ്യുന്ന ചിത്രമാണ് ലൂസിഫർ. എന്റെ ജീവിതത്തിൽ ആദ്യമായി സിനിമ സംവിധാനം ചെയ്തപ്പോൾ (ഹിറ്റ്ലിസ്റ്റ്) പൃഥ്വിയെ അഭിനയിക്കാൻ വിളിച്ചിരുന്നു. എല്ലാവർക്കും അറിയാം ഞങ്ങൾ നല്ല സുഹൃത്തുക്കളാണെന്ന്. സിനിമയേക്കാൾ ഉപരി ജീവിതത്തിലും നല്ല സുഹൃത്തുക്കൾ. സിനിമയില്‍ അതിഥിവേഷമായിരുന്നു, അദ്ദേഹം അഭിനയിക്കാം എന്നു പറഞ്ഞു.
ബോംബെയിൽ ഹിന്ദി സിനിമയുടെ ഷൂട്ടിങിലായിരുന്നു പൃഥ്വി. ആ സമയത്താണ് സുപ്രിയ എനിക്കൊരു മെസേജ് അയക്കുന്നത്. പൃഥ്വിക്ക് ചിക്കൻപോക്സ് ആണെന്നും ഷൂട്ടിന് വരാൻ കഴിയില്ലെന്നുമായിരുന്നു മെസേജ്. അതെന്നെ വളരെ വിഷമിപ്പിച്ചു. ആദ്യമായി സംവിധാനം ചെയ്ത ചിത്രത്തില്‍ സുഹൃത്തിനോടൊപ്പം പ്രവർത്തിക്കാൻ കഴിയാത്തതായിരുന്നു എന്റെ വിഷമം. പക്ഷേ അത് ഇപ്പോൾ മാറി. എന്റെ സുഹൃത്ത് സംവിധാനം ചെയ്യുന്ന പടത്തിൽ ഞാൻ അഭിനയിച്ചു.

ഇതിൽ ഒരുപാട് താരങ്ങളുണ്ട്. ചെറിയൊരു കഥാപാത്രമാണെങ്കിലും അതൊക്കെ ചെയ്തിരിക്കുന്നത് വലിയ വലിയ താരങ്ങളാണ്. മലയാളം, ഹിന്ദി, തമിഴ് ഭാഷകളിലെ പ്രഗത്ഭരാണ് അണിനിരക്കുന്നത്. ഒറ്റക്കാര്യം ഉറപ്പായി പറയാം. എല്ലാവർക്കും ഇഷ്ടപ്പെടുന്ന ഫാമിലി എന്റർടെയ്നറായിരിക്കും ലൂസിഫർ. കൂടാതെ നിറയെ ട്വിസ്റ്റുകളും. നിങ്ങളാരും വിചാരിക്കാത്ത രീതിയിലുള്ള ട്വിസ്റ്റ് ഈ സിനിമയിലുണ്ട്. ഫെസ്റ്റിവൽ സമയങ്ങളില്‍ ചിത്രങ്ങൾ റിലീസ് ചെയ്യാറുണ്ട്. പക്ഷേ എന്ന് ലൂസിഫർ ഇറങ്ങുന്നോ അന്ന് ഉത്സവമായിരിക്കും. അതാണ് എന്നെ സംബന്ധിച്ചടത്തോളം ഈ ചിത്രം.’–ബാല പറഞ്ഞു.

ക്ഷമിക്കണം അഭിഷേക് അവരിൽ നിന്ന് കണ്ണെടുക്കാനാവുന്നില്ല; അംബാനിക്കല്യാണമേളത്തിൽ സംഭവിച്ചത്

റിലയൻസ് ഇൻഡസ്ട്രീസിന്റെ ചെയർമാനും മാനേജിങ് ഡയറക്ടറുമായ മുകേഷ് അംബാനിയുടെയും നിത അംബാനിയുടെയും മകൻ ആകാശ് അംബാനിയും വജ്രവ്യാപാരി റസൽ മേത്തയുടെയും മോന മേത്തയുടെയും മകൾ ശ്ലോക മേത്തയും തമ്മിലുള്ള വിവാഹച്ചടങ്ങിൽ ഏവരുടെയും ഹൃദയം കവർന്നത് ഒരു സെലിബ്രിറ്റി കിഡ് ആയിരുന്നു. മുൻ ലോകസുന്ദരി ഐശ്വര്യ റായിയുടെയും ബോളിവുഡ് താരം അഭിഷേക് ബച്ചന്റെയും മകൾ ആരാധ്യ.

ബിടൗണിലെ ഒട്ടുമിക്ക സെലിബ്രിറ്റികളും സകുടുംബം പങ്കെടുത്ത ചടങ്ങിൽ അമ്മ ഐശ്വര്യയ്ക്കും അച്ഛൻ അഭിഷേകിനുമൊപ്പം പിങ്ക് ലെഹങ്കയിൽ സുന്ദരിയായാണ് ആരാധ്യയെത്തിയത്. കടും നീലയിൽ സിൽവർ വർക്കുള്ള ലെഹംഗയണിഞ്ഞ് ഐശ്വര്യ തിളങ്ങിയപ്പോൾ പേസ്റ്റൽ പിങ്ക് ലെഹങ്കയണിഞ്ഞാണ് ആരാധ്യ താരമായത്.

അതിസുന്ദരമായി ചിരിച്ചുകൊണ്ട് ആത്മവിശ്വസത്തോടെ ക്യാമറകളെ അഭിമുഖീകരിക്കുന്ന ആരാധ്യയാണ് ഇക്കുറി ശ്രദ്ധാകേന്ദ്രമായത്. ചല ചിത്രങ്ങളിൽ ഫോട്ടോയ്ക്കായി പോസ് ചെയ്യുമ്പോൾ അമ്മ ഐശ്വര്യയെ പാളിനോക്കുന്ന കുസൃതിക്കാരിയായ ആരാധ്യയെയും കാണാം.രണ്ടു സുന്ദരിപ്പെൺകുട്ടികളുടെ അരികിൽ നിൽക്കുന്നതുകൊണ്ട് അഭിഷേകിനെ ശ്രദ്ധിക്കാൻ കഴിഞ്ഞില്ല എന്ന ക്ഷമാപണത്തോടെയാണ് ആരാധകർ ഇവരുടെ ചിത്രങ്ങൾ സമൂഹമാധ്യമങ്ങളിലൂടെ പങ്കുവയ്ക്കുന്നത്.

തകർപ്പൻ ചുവടുകളുമായി ഷാരുഖും രൺബീറും, മകന്റെ വിവാഹത്തിനു കയ്യടി നേടി നിത അംബാനി; വിഡിയോ

ആകാശ് അംബാനിയുടെ വിവാഹചടങ്ങുകൾക്ക് ആവേശമേകി ബോളിവുഡ് താരനിരയുടെ തകര്‍പ്പൻ പ്രകടനം. ഷാരുഖ് ഖാനും ആമിർ ഖാനും രൺബീർ കപൂറുമുൾപ്പെടുന്ന താരനിരയാണു നൃത്തച്ചുവടുകളുമായി ചടങ്ങുകളിലെ നിറസാന്നിധ്യമായത്.

പാട്ടുകളും നൃത്തവുമായി വരനെ വേദിയിലേക്ക് ആനയിക്കുന്ന ഭാരത് ചടങ്ങിലാണു ബോളിവുഡ് ആവേശം അലയടിച്ചത്. കരൺ ജോഹറും ഹാർദിക് പാണ്ഡ്യയും മതിമറന്നു നൃത്തം ചെയ്തപ്പോൾ, നിത അംബാനി തകർപ്പൻ ചുവടുകളുമായ ഇവർക്കൊപ്പം ചേർന്നു.താരങ്ങള്‍ക്കും പിതാവ് മുകേഷിനുമൊപ്പം നൃത്തം ചെയ്ത് ആകാശും വിവാഹദിനം ആഘോഷമാക്കി. സംഗീതവേദിയില്‍ ഷാരുഖ് തിളങ്ങിയപ്പോൾ, ആകാശിനു ചുറ്റി നിന്ന് ആമിർ ചുവടുകൾ വച്ചു. ഗൂഗിൾ സിഇഒ സുന്ദർ പിച്ചൈ, രജനികാന്ത്, യുവരാജ് സിങ്, ഐശ്വര്യ റായ്, അഭിഷേക് ബച്ചൻ തുടങ്ങി നിരവധി പ്രമുഖർ അംബാനി കുടുംബത്തിനൊപ്പം ചടങ്ങുകളിൽ പങ്കാളികളായി.

കലാഭവൻ മണിയുടെ ആഡംബര വണ്ടികൾ നശിച്ചുപോകുന്നോ?: മറുപടിയുമായി സഹോദരൻ

കലാഭവൻ മണി ഉപയോഗിച്ചിരുന്ന ആഡംബര വാഹനങ്ങൾ നശിച്ചുപോകുന്നുവെന്ന ആരാധികയുടെ കുറിപ്പിനു മറുപടിയുമായി സഹോദരന്‍ ആർ.എൽ.വി. രാമകൃഷ്ണൻ. വണ്ടികളുടെ കാര്യങ്ങൾ തീരുമാനിക്കേണ്ടത് താനല്ലെന്നും അതിന്റെ ഉടമസ്ഥാവകാശം ഉള്ളവരാണെന്നും രാമകൃഷ്ണൻ പറഞ്ഞു.പാഡിയെക്കുറിച്ചും കലാഭവൻ മണിയുടെ വണ്ടികളെക്കുറിച്ചും സമൂഹമാധ്യമങ്ങളിൽ വരുന്ന പരാമർശങ്ങൾ ശ്രദ്ധയിൽപെട്ടെന്നും കുപ്രചരണങ്ങൾ ഏറിയ സാഹചര്യത്തിലാണ് പ്രതികരണമെന്നും രാമകൃഷ്ണൻ പറഞ്ഞു.

മണിച്ചേട്ടന്റെ വണ്ടികൾ കുടുംബത്തിന് വേണ്ടെങ്കിൽ ലേലം ചെയ്തുകൂടേയെന്നും എന്തിനാണ് നശിപ്പിച്ച് കളയുന്നതെന്നുമായിരുന്നു ആരാധിക സമൂഹമാധ്യമത്തിലൂടെ എഴുതിയത്. കുറിപ്പിനൊപ്പം പൊടിപിടിച്ചു കിടക്കുന്ന മണിയുടെ വണ്ടിയുടെ ചിത്രങ്ങളും ഇവർ പങ്കുവച്ചിരുന്നു. കൂടാതെ ചാലക്കുടിക്കാരൻ ചങ്ങാതി എന്ന പേരുള്ള മണിയുടെ ഓട്ടോയെക്കുറിച്ചും സമൂഹ മാധ്യമങ്ങളിൽ തെറ്റായ രീതിയിൽ വാർത്ത വന്നിരുന്നു.

‘പാഡിയിൽ സ്മാരകം വേണമെന്നും, മണി ചേട്ടന്റെ സ്മൃതി കുടീരം ജനങ്ങൾക്കായി തുറന്നിടണമെന്നു തന്നെയാണ് കുന്നിശ്ശേരി തറവാട്ടിലെ ഞങ്ങളുടെയെല്ലാം ആഗ്രഹം. അത് ബന്ധപ്പെട്ട അവകാശികളോട് ആവശ്യപ്പെട്ടിട്ടുണ്ട്. വണ്ടികളുടെ കാര്യങ്ങൾ തീരുമാനിക്കേണ്ടത് ഞാനല്ല. തീരുമാനിക്കേണ്ടത് തീർച്ചയായും അതിന്റെ ഉടമസ്ഥാവകാശം ഉള്ളവരാണ്.’–രാമകൃഷ്ണൻ പറഞ്ഞു.

ആർ.എൽ.വി. രാമകൃഷ്ണന്റെ കുറിപ്പ് വായിക്കാം–…

പ്രിയ സ്നേഹിതരെ, കുറച്ചു നാളായി സമൂഹമാധ്യമങ്ങളിലൂടെ കാര്യങ്ങളുടെ നിജസ്ഥിതി മനസ്സിലാക്കാതെ പാഡിയെക്കുറിച്ചും മണി ചേട്ടന്റെ വണ്ടികളെക്കുറിച്ചും ഉള്ള പരാമർശങ്ങൾ കാണാനിടയായി.പാഡിയുടെ കാര്യത്തിലും വണ്ടികളുടെ കാര്യത്തിലും മണി ചേട്ടന്റെ സ്മൃതി കൂടാരം തുറന്നിട്ടാത്ത കാര്യത്തിലും എന്നെയും കൂടി കുറ്റപെടുത്തുന്ന രീതിയിലുള്ള ഫെയ്സ്ബുക്ക് പോസ്റ്റുകൾ കണ്ടിരുന്നു. ഈ കാര്യത്തിൽ ഞാൻ നിസ്സഹായനാണ്.

കാരണം ഇതിന്റെ കാര്യങ്ങൾ തീരുമാനിക്കേണ്ടത് തീർച്ചയായും അതിന്റെ ഉടമസ്ഥാവകാശം ഉള്ളവരാണ്. അതല്ലാതെ എനിക്ക് അതിന് കഴിയുകയില്ല. ഇതിന്റെയെല്ലാം ഉടമസ്ഥവകാശം എന്നിലാണെന്ന് തെറ്റായി ധരിച്ചിരിക്കുന്ന ഒരുപാട് ആളുകൾ ഉണ്ട്. സത്യം തുറന്നു പറയട്ടെ ഞങ്ങളുടെ മാതാപിതാക്കൾ വിയർപ്പൊഴുക്കി ഉണ്ടാക്കിയ 5 സെന്റ് സ്ഥലത്തിലാണ് ( തറവാട് ) ഞാൻ താമസിക്കുന്നത്.മറ്റൊരു സ്വത്തും ഞാനല്ല കൈകാര്യം ചെയ്യുന്നത്; അത് അതിന് അർഹതപ്പെട്ട അവകാശികളിൽ തന്നെയാണ് ഉടമസ്ഥവകാശം ഉള്ളത്. സോഷ്യൽ മീഡിയയിലൂടെ കുപ്രചരണങ്ങൾ ഏറുന്നതുകൊണ്ടാണ് ഇങ്ങനെയൊക്കെ എഴുതേണ്ടി വന്നത്.

മണി ചേട്ടൻ മരിച്ച നാൾ മുതൽ തുടങ്ങിയതാണ് ഇത്തരം കുപ്രചരണങ്ങൾ. പാഡിയിൽ സ്മാരകം വേണമെന്നും, മണി ചേട്ടന്റെ സ്മൃതി കുടീരം ജനങ്ങൾക്കായി തുറന്നിടണമെന്നു തന്നെയാണ് കുന്നിശ്ശേരി തറവാട്ടിലെ ഞങ്ങളുടെയെല്ലാം ആഗ്രഹം.അത് ബന്ധപ്പെട്ട അവകാശികളോട് ആവശ്യപ്പെട്ടിട്ടുണ്ട്. വണ്ടികളുടെ കാര്യങ്ങൾ തീരുമാനിക്കേണ്ടത് ഞാനല്ല. ഓട്ടോറിക്ഷയുടെ കാര്യമാണ് ഈ അടുത്ത് സോഷ്യൽമീഡിയയിൽ ഏറെ കുപ്രചരണങ്ങൾ ഏറിയത്.

ഈ ഓട്ടോറിക്ഷ മണി ചേട്ടൻ ഞങ്ങളുടെ മൂത്ത സഹോദരന്റെ മകന് വാങ്ങി കൊടുത്തതാണ്. ഇത് മണി ചേട്ടൻ ഉപയോഗിച്ചിരുന്ന വണ്ടിയല്ല. ഒരു മ്യൂസിക്ക് ആൽബത്തിൽ ഇത് മണി ചേട്ടൻ ഉപയോഗിച്ചിട്ടുണ്ട്. മണി ചേട്ടൻ ഉപയോഗിച്ച വണ്ടികൾ പണ്ടത്തെ ലാബർട്ട വണ്ടിയാണ്. മണി ചേട്ടന് സ്വന്തമായി ഓട്ടോ ഉണ്ടായിരുന്നില്ല. മറ്റുള്ളവരുടെ വണ്ടിയാണ് മണി ചേട്ടൻ ഓടിച്ചിരുന്നത്.സമൂഹമാധ്യമത്തിലൂടെ പ്രചരിച്ച ഓട്ടോറിക്ഷ മണി ചേട്ടൻ സഹോദരന്റെ മകന് വാങ്ങി കൊടുത്ത ഓട്ടോറിക്ഷയാണ്. അത് ഒരുപാട് നാളുകളായി ഓടിക്കാൻ കഴിയാതെ കിടക്കുകയായിരുന്നു.

അതിനിടയിലാണ് പ്രളയം ആ വീടിനെയടക്കം മുക്കി കളഞ്ഞത്. പ്രളയത്തിൽ മൂത്ത സഹോദരന്റെ വീട് മുങ്ങുകയും വീട് ഒട്ടും തന്നെ താമസയോഗ്യമല്ലാതാവുകയും ചെയ്തു. അവർ ദുരിതാശ്വാസ ക്യാംപിലായിരുന്നു താമസം. ആ വീടിന്റെ മുൻപിലാണ് ഈ ഓട്ടോ കിടന്നിരുന്നത്.എന്നാൽ ആ വീടിന്റെ അവസ്ഥയോ, വീട്ടുകാരെയോ കുറിച്ച് ആരും അന്വേഷിച്ചില്ല. ഇന്നും ആ വീട് പുതുക്കി പണിയാൻ സാധിച്ചിട്ടില്ല. മൂത്ത സഹോദരന്റെ കുടുംബം ഇപ്പോൾ മണി ചേട്ടൻ പണിയിച്ച കലാഗൃഹത്തിലാണ് താമസിക്കുന്നത്. അതിനിടയിലാണ് ഈ കുപ്രചരണങ്ങൾ സോഷ്യൽ മീഡിയ വഴിനടത്തുന്നത്…

ഒരു കാര്യം തുറന്നു പറയട്ടെ ഞങ്ങൾ സാമ്പത്തികമായി ഏറെ പുറകിൽ നിൽക്കുന്നവരാണ്.മണി ചേട്ടൻ മാത്രമായിരുന്നു ഞങ്ങളുടെ ആശ്വാസം. മണി ചേട്ടന്റെ തണലിൽ ആണ് ഞങ്ങൾ ജീവിച്ചത്. കാര്യങ്ങൾ അറിഞ്ഞ് മാത്രം കുപ്രചരണങ്ങൾ നടത്തുക. ചാലക്കുടിയിൽ വന്ന് ഒരു ഫോട്ടോ എടുത്ത് ആളാവാൻ വേണ്ടി അവനവന് തോന്നുന്ന രീതിയിൽ പ്രചാരണം നടത്താതിരിക്കുക…… സത്യം വദ … ധർമ്മം ചര…

വനിതാ ദിനത്തിൽ ഭാര്യക്ക് 4 കോടിയുടെ എസ്‌യുവി സമ്മാനിച്ച് സൂപ്പർതാരം

വാഹനപ്രേമികളാണ് തെന്നിന്ത്യൻ സൂപ്പർതാരങ്ങൾ. സൂപ്പർകാറുകളുടേയും ലക്ഷ്വറി കാറുകളുടേയും നീണ്ട നിര തന്നെയുണ്ടാകും അവരുടെ ഗ്യാരേജിൽ. സാന്റൽവുഡ് സൂപ്പർതാരം പുനീത് രാജ് കുമാറിന്റെ ഏറ്റവും പുതിയ എസ്‌യുവിയാണ് ഇപ്പോൾ സമൂഹമാധ്യമങ്ങളിലെ താരം. വനിതാദിനത്തിൽ ഭാര്യയ്ക്കുള്ള സമ്മാനമായാണ് 4 കോടിയുടെ എസ്‌യുവി താരം സ്വന്തമാക്കിയത്.

സൂപ്പർകാർ നിർമാതാക്കളായ ലംബോർഗിനിയുടെ എസ്‌യുവി ഉറുസാണ് ഭാര്യ അശ്വിനിക്ക് പുനീത് സമ്മാനിച്ചത്. ഔഡി ക്യൂ7, ലാൻഡ്റോവർ റേഞ്ച് റോവർ, നിസാൻ ജിടിആർ തുടങ്ങി നിരവധി കാറുകൾ പുനീതിന്റെ ഗ്യാരേജിലുണ്ട്.

വിജയ്‌ സേതുപതി നായകനായി എത്തുന്ന മാസ്സ് ആക്ഷന്‍ ചിത്രം ‘സിന്ധുബാദ്’ ടീസര്‍ കാണാം..!

Presenting the Electrifying Teaser of ‘Sindhubaadh’ an Upcoming Tamil Movie Starring ‘Makkal Selvan’ Vijay Sethupathy & Anjali among Others.. A Yuvan Shankar Raja Musical, this Action Thriller is Directed by S U Arun kumar, Produced by S.N. Rajarajan and Shan Sutharsan Under the Banner of K Productions & Vansan Movies. Muzik 247 is the Official Music Partner.

നടി കസ്തൂരിയുടെ വസ്ത്രത്തെച്ചൊല്ലി വിമർശനം; വിഡിയോ

മലയാളം, തമിഴ്, തെലുങ്ക് ചിത്രങ്ങളിലൂടെ ശ്രദ്ധേയയായ നടിയാണ് കസ്തൂരി. നടിയെന്നതിലുപരി മോഡൽ, അവതാരക, സാമൂഹ്യപ്രവർത്തക എന്നീ നിലകളിലും നടി തിളങ്ങുന്നു. വിവാദപരമായ വിഷയങ്ങളിൽ തന്റേതായ നിലപാടുകൾ തുറന്നുപറയാനും താരത്തിനു മടിയില്ല. ഇപ്പോഴിതാ നടിയുടെ വസ്ത്രധാരണത്തെച്ചൊല്ലിയാണ് പുതിയ വിവാദം ഉടലെടുത്തിരിക്കുന്നത്.