ഒരു കുട്ടിയുടെ ആവേശത്തോടെ വാപ്പച്ചി ചെയ്ത ചിത്രം : മമ്മൂട്ടിയെ പ്രശംസിച്ച്‌ ദുല്‍ഖര്‍

പ്രേക്ഷകര്‍ ആകാംഷയോടെ കാത്തിരുന്ന മമ്മൂട്ടി-റാം ചിത്രം പേരന്‍പ് തിയേറ്ററുകളില്‍ കയ്യടി നേടുകയാണ്. അഭിനയ മുഹൂര്‍ത്തങ്ങള്‍ കൊണ്ട് സാന്ദ്രമായ പേരന്‍പില്‍ മമ്മൂട്ടിയും നിറഞ്ഞ് അഭിനയിച്ചിട്ടുണ്ട്. അമുദവനും മകളും തെന്നിന്ത്യന്‍ ചലച്ചിത്ര ലോകത്ത് വിസ്മയം തീര്‍ക്കുകയാണെന്നാണ് ആദ്യ റിപ്പോര്‍ട്ടുകള്‍.

അതിനിടയിലാണ് പേരന്‍പിലെ മമ്മൂട്ടിയുടെ പ്രകടനത്തെ വാഴ്ത്തി മമ്മൂട്ടിയുടെ മകനും യുവനടനുമായ ദുല്‍ഖര്‍ സല്‍മാനും രംഗത്തെത്തിയത്. ഒരു കുട്ടിയുടെ ഉത്സാഹത്തോടെയാണ് മമ്മൂട്ടി ഇത്തരം സിനിമകളെ സമീപിക്കുന്നതെന്നാണ് ദുല്‍ഖറിന്‍റെ പക്ഷം. സിനിമയോട് വാപ്പച്ചിക്കുള്ള ഒരിക്കലും അടങ്ങാത്ത ആഗ്രഹവും അഭിനിവേശവും പേരന്‍പില്‍ കാണാം എന്നും ദുല്‍ഖര്‍ സോഷ്യല്‍ മീഡിയയില്‍ കുറിച്ചിട്ടുണ്ട്.

സ്പാസ്റ്റിക് പരാലിസിസ് എന്ന സവിശേഷ ശാരീരിക, വൈകാരികാവസ്ഥയിലുള്ള പെണ്‍കുട്ടിയുടെ അച്ഛനായ അമുദവനായാണ് മമ്മൂട്ടി ചിത്രത്തിലെത്തുന്നത്. അച്ഛന്റെയും മകളുടെയും കഥയിലൂടെ പലവിധ ജീവിതസാഹചര്യങ്ങളാലും ശാരീരികമായ സവിശേഷതകളാലും ഒറ്റപ്പെട്ടും ഓരം ചേര്‍ക്കപ്പെട്ടും പോകുന്ന മനുഷ്യരിലേക്ക് പടരുന്നതാണ് പേരന്‍പ്.

ചാക്കോച്ചന്റെ ഒരു കിടിലന്‍ ഫാമിലി എന്റർട്ടെയ്നർ; അള്ളു രാമേന്ദ്രൻ മൂവി റിവ്യൂ വായിക്കാം

കുഞ്ചാക്കോ ബോബന്‍ നായകനാക്കി ബിലഹരി സംവിധാനം ചെയ്‌ത അള്ള് രാമേന്ദ്രന്‍ ഇന്നാണ് തിയേറ്ററുകളില്‍ എത്തിയത്. മികച്ച പ്രതികരണമാണ് ചിത്രത്തിന് ലഭിക്കുനത്. ചിത്രത്തിന്‍റെ തിരക്കഥയൊരുക്കിയിരിക്കുന്നത് സജിൻ ചെറുക്കയിൽ, വിനീത് വാസുദേവൻ എന്നിവർ ചേർന്നാണ്.സാദാരണ ചാക്കോച്ചൻ പടങ്ങളിൽ നിന്നും തികച്ചും വ്യത്യസ്താമായാണ് അള്ളു രാമേന്ദ്രനെ ഒരുക്കിയിരിക്കുന്നത്.

പൊലീസ് ഡ്രൈവറായ രാമചന്ദ്രന്‍ എന്ന കഥാപാത്രത്തെയാണ് കുഞ്ചാക്കോ അവതരിപ്പിക്കുന്നത്.രാമചന്ദ്രന്‍ എന്ന രാമേന്ദ്രന്‍ അള്ള് രാമേന്ദ്രനായത് എങ്ങനെയെന്നാണ് സിനിമ അനാവരണം ചെയ്യുന്നത്.

കോമഡിയില്‍ തുടങ്ങിയ ചിത്രം ത്രില്ലറിലൂടെ സഞ്ചരിക്കുകയും ഇടയ്ക്കിടെ പൊടിക്ക് മാസും കൊണ്ടുവന്ന് കുടുംബപ്രേക്ഷകരേയും യുവതലമുറയേയും ഒരുപോലെ തൃപ്‌തിപ്പെടുത്താന്‍ സംവിധായകന്‍ കൃത്യമായി ശ്രദ്ധിച്ചിട്ടുണ്ട്.

അപർണ്ണ ബാലമുരളി, ചാന്ദിനി ശ്രീധരൻ, കൃഷ്ണശങ്കര്‍,​ അല്‍ത്താഫ്,​ ധര്‍മ്മജന്‍ ബോള്‍ഗാട്ടി,​ ശ്രീനാഥ് ഭാസി,​ കൊച്ചുപ്രേമന്‍,​ സലിം കുമാര്‍,​ ക‌ൃഷ്ണുപ്രഭ തുടങ്ങിയവരാണ് മറ്റ് താരങ്ങള്‍.ചിത്രം നിർമ്മിച്ചിരിക്കുന്നത് ആഷിക് ഉസ്മാൻ പ്രൊഡക്ഷൻസിന്റെ ബാനറിൽ ആഷിക് ഉസ്മാനാണ്.പ്രേക്ഷകരെ ഒരിക്കലും നിരാശപ്പെടുത്താത്ത ഈ ചിത്രം ചിരിയും ആവേശവും നിറഞ്ഞ ഒരു വ്യത്യസ്തമായ ചലച്ചിത്രാനുഭവമാണ്.മനസ്സറിഞ്ഞു ചിരിക്കാനും സന്തോഷിക്കാനും വേണ്ടി ചിത്രത്തിന് ടിക്കറ്റ് എടുക്കാം ഒരിക്കലും നിരാശപെടുത്തില്ല.

ലോനപ്പന്റെ മാമ്മോദിസ റിവ്യൂ വായിക്കാം

നാട്ടിൻപുറത്തെ നന്മയുള്ള കാഴ്ചകളാണ് ഫസ്റ്റ് ലുക്ക് പോസ്റ്ററുകളും ടീസറും ട്രെയിലറും ഗാനവുമെല്ലാം സമ്മാനിച്ചത് എന്നുള്ളത് കൊണ്ട് തന്നെ , പതിവ് പോലെ ആദ്യ ദിവസം ആദ്യ ഷോ തന്നെ ലോനപ്പന്‍റെ മാമ്മോദിസ കാണണം എന്ന് മനസ്സിൽ മുൻപേ കുറിച്ചാണ് .. അതിനു പ്രധാന കാരണം മലയാളികള്‍ എന്നും തങ്ങളില്‍ ഒരാളായി കാണുന്ന , മലയാള സിനിമാ ലോകത്തെ എക്കാലത്തെയും മികച്ച കുടുംബ നായകന്‍ ജയറാം മലയാളികള്‍ക്ക് ഇഷ്ടപ്പെടുന്ന മാനറിസങ്ങള്‍ ഉള്ള ഒരു കഥാപാത്രമായി വരുന്നു എന്നത് തന്നെയാണ് ..

മഹാനായ ചലച്ചിത്രകാരന്‍ പത്മാരാജന്‍ കണ്ടെത്തിയ ആ അഭിനയ പ്രതിഭ എന്നും മലയാള കുടുംബങ്ങള്‍ക്ക് പ്രിയ നായകനായിരുന്നു . മലയാളികളെ പൊട്ടിച്ചിരിപ്പിച്ച , പൊട്ടിക്കരയിച്ച എത്രയത്ര സിനിമകള്‍ … മലയാളത്തിലും തമിഴിലുമായി എത്രയത്ര വേഷങ്ങള്‍ … അപരനില്‍ തുടങ്ങി ഒടുവില്‍ പഞ്ചവര്‍ണ്ണതത്തയിലെ വ്യത്യസ്തമായ കഥാപാത്രത്തിന് ശേഷം ലോനപ്പന്‍റെ മാമ്മോദിസയിലെ നാട്ടിന്‍പുറത്തെ ഒരു വാച്ച് റിപ്പയര്‍ ആയ ലോനപ്പന്‍ എന്ന ടൈറ്റില്‍ കഥാപാത്രത്തിലെത്തിനില്‍ക്കുമ്പോഴും മലയാളത്തിന്‍റെ പ്രിയ നടന്‍റെ ആ ലാളിത്യമാണ് മലയാളകുടുംബങ്ങള്‍ ജയറാമിനെ എന്നും നെഞ്ചിലേറ്റാനുള്ള പ്രധാന കാരണം എന്ന് പലപ്പോഴും തോന്നിയിട്ടുണ്ട് .. വിശ്വാസമാണ് കുടുംബപ്രേക്ഷകര്‍ക്ക് ജയറാം എന്ന കലാകാരനെ .. ! ആ വിശ്വാസം നൂറു ശതമാനം കാത്തുസൂക്ഷിക്കുന്ന രീതിയിലാണ് ലോനപ്പന്‍റെ മാമ്മോദിസയിലെ ലോനപ്പനെയും ലോനപ്പന്‍റെ മാമ്മോദിസ എന്ന സിനിമയെയും ലിയോ തദേവൂസ് അണിയിച്ചൊരുക്കിയിരിക്കുന്നത് .

ഒരു വാച്ച് റിപ്പയര്‍ ഷോപ്പ് (അമലോല്‍ ഭവ വാച്ച് റിപ്പയറിംഗ് & സെയില്‍സ് ) നടത്തുന്ന ലോനപ്പന്‍റെ (ജയറാം) ജീവിതത്തില്‍ ആകെയുള്ളത് നഷ്ടങ്ങള്‍ മാത്രമാണ് . അവിവാഹിതരായ മൂന്ന്‍ പെങ്ങന്മാരുടെ ഒരേയൊരു ആങ്ങളയായിരുന്നിട്ടും വലിയ ഉത്തരവാദിത്തങ്ങളൊന്നും തന്നെയില്ലാതെ, മറ്റുള്ളവരെയൊക്കെ കളിയാക്കി തന്‍റെ ജീവിതം മുന്നോട്ട് കൊണ്ടുപോകുന്ന ഒരു ടിപ്പിക്കല്‍ മലയാളിയാണ് ലോനപ്പന്‍ . പിണ്ടി പെരുന്നാളിന്റെ തലേ ദിവസം ആശുപത്രിയിൽ വെച്ചാണ് കോപ്പറേറ്റിവ് ബാങ്ക് ജോലിക്കാരി ലീന (ലിച്ചി) യെ കാണുന്നു . മധ്യകേരളത്തിലെ ഒരു ഇടത്തരം കത്തോലിക്ക കുടുംബത്തിലെ ജീവിതത്തിന്‍റെ ഫോട്ടോസ്റ്റാറ്റ് കോപ്പിയെന്ന പോലെ വളരെ റിയലിസ്റ്റിക് ആയി അവതരിപ്പിക്കുമ്പോള്‍ ലോനപ്പന് കൂട്ടിന് വെല്ല്യേച്ചി( ശാന്തി കൃഷ്ണ)യുണ്ട് . രണ്ടാമത്തെ പെങ്ങളായ , സ്കൂളിലെ ഒരു ഫിസിക്കല്‍ എജുക്കേഷന്‍ അധ്യാപിക കൂടിയായ സൂസന്ന (നിഷ സാരംഗ് )യുണ്ട് , ഇളയ പെങ്ങള് റോസിലി ( ഇവ പവിത്രന്‍ )യുണ്ട് . ഇവരുടെ ജീവിതത്തിലെ കൊച്ചു കൊച്ചു തമാശകളും നൊമ്പരങ്ങളും …… എല്ലാമാണ് ഈ സിനിമ .

കൂട്ടുകാര്‍ തങ്ങളുടെ പഴയ കാല വിദ്യാലയത്തില്‍ ഒരുക്കിയ പൂര്‍വ്വ വിദ്യാര്‍ഥി കൂട്ടായ്മയില്‍ പങ്കെടുത്തപ്പോഴാണ് ലോനപ്പന്‍ അക്കാര്യം തിരിച്ചറിഞ്ഞത് ..ലോനപ്പൻ ലോനപ്പനെ തിരിച്ചറിയാൻ വൈകിയതാണ് ലോനപ്പന്റെ പ്രശ്നങ്ങൾക്ക് കാരണം ..

ലിയോ തദേവൂസ് എന്ന സംവിധായകന്‍ വളരെ നന്നായി എക്സിക്യൂട്ട് ചെയ്ത ഒരു പെര്‍ഫെക്റ്റ്‌ ക്രാഫ്റ്റ് ആണ് ലോനപ്പന്‍റെ മാമ്മോദിസ എന്ന മലയാളിത്തമുള്ള ഈ സിനിമ . ഒട്ടും നാടകീയതയില്ലാത്ത അഭിനയമുഹൂര്‍ത്തങ്ങള്‍ , ഏച്ചുകെട്ടലുകള്‍ ഒന്നുമില്ലാത്ത നല്ല ക്ലാസ്സ്‌ കോമഡി . ഓരോ കഥാപാത്രങ്ങളുടെയും കൃത്യമായ കാസ്റ്റിംഗ് . പിന്നെ ജീവിതത്തിൽ വലിയൊരു ഗുണപാഠവും …
എല്ലാം കൊണ്ടും ഒരു ശരാശരി മലയാള സിനിമാ പ്രേക്ഷകനെ പൂര്‍ണ്ണമായും തൃപ്തിപ്പെടുത്തുന്ന മികവുറ്റ സിനിമയാണ് ലോനപ്പന്‍റെ മാമ്മോദിസ. കുറച്ചു നേരമുള്ളൂ എങ്കിലും ഇന്നസെന്‍റ് അവതരിപ്പിച്ച സ്കൂള്‍ മാഷൊക്കെ നമുക്ക് വളരെ പരിചിതമായ കഥാപാത്രങ്ങലാണ് . ഹരീഷ് കണാരനും ജോജുവുമൊക്കെ അഭിനയിക്കുകയല്ലായിരുന്നു .. ജീവിക്കുകയായിരുന്നു .

നാട്ടിന്‍പുറത്തിന്‍റെ നന്മ സംവിധായകന്‍ ഒപ്പിയെടുത്തപ്പോള്‍ നാട്ടിന്‍പുറത്തിന്‍റെ സൗന്ദര്യം ഒപ്പിയെടുക്കാനുള്ള അവസരം ലഭിച്ചത് സുധീര്‍ സുരേന്ദ്രനാണ് . സുധീറിന്‍റെ വിസ്മയിപ്പിക്കുന്ന ഷോട്ടുകള്‍ അളന്നു കുറിച്ചു വെട്ടിയെടുത്തു രഞ്ജന്‍ എബ്രഹാം ഒട്ടും ലാഗ് ചെയ്യാതെ പ്രേക്ഷകരുടെ മുന്‍പില്‍ ലോനപ്പന്‍റെ മാമ്മോദിസ അവതരിപ്പിക്കുന്നതില്‍ പ്രധാന പങ്കുവഹിച്ചു . ഹരിനാരായണന്‍എഴുതി അല്‍ഫോന്‍സ്‌ ഈണം നല്‍കി വിനീത് ശ്രീനിവാസന്‍ പാടിയ പുണ്യറാസാ എന്ന ഗാനം ഇതിനോടകം തന്നെ ഹിറ്റ്‌ ചാര്‍ട്ടില്‍ ഇടം നേടിയിട്ടുണ്ട് . അൽഫോൻസിൻറെ മകൻ ആലപിച്ച ചിങ്കാരിയാം എന്ന ഗാനത്തിന് മാധുര്യം അല്പം കൂടുതലായിരുന്നു . പെന്‍ &പേപ്പര്‍ ക്രിയേഷന്‍സിന്‍റെ ബാനറില്‍ ഷിനോയ് മാത്യുവാണ് സിനിമ നിര്‍മ്മിച്ചിരിക്കുന്നത്.

മാമ്മോദിസക്ക് പോയിട്ട് മനസ്സ് നിറഞ്ഞ് ഒരു അമ്പുപെരുന്നാള്‍ കൂടി , കൂടിയ ഒരു സുഖമാണ് ലോനപ്പന്‍റെ മാമ്മോദിസ കഴിഞ്ഞപ്പോള്‍ തോന്നിയത് .. മുന്നണിയിലും പിന്നണിയിലുമുള്ള എല്ലാവരും അവരവരുടെ റോളുകള്‍ ഭംഗിയായി ചെയ്തുവെങ്കിലും മാന്‍ ഓഫ് ദി മാച്ച് ഈ സിനിമയുടെ ക്യാപ്റ്റന്‍ ജയറാമിന് തന്നെയാണ് ..

ഇത് പൂര്‍ണ്ണമായും ജയറാമിനെ ഇന്നലെകളില്‍ സ്നേഹിച്ച അംഗീകരിച്ച കുടുംബപ്രേക്ഷകര്‍ക്കുള്ള സിനിമയാണ് .. ചുരുക്കി പറഞ്ഞാല്‍ ഇത് പഴയ ജയറാമിന്‍റെ സിനിമയാണ്

നീണ്ടകാല ഇടവേളയ്ക്ക് ശേഷം പൂര്‍ണിമ സിനിമയിലേയ്ക്ക് തിരിച്ചെത്തുന്നു, സ്‌ക്രീനില്‍ എത്തുന്നത് ഇന്ദ്രജിത് സുകുമാരനൊപ്പം

ലിയ ഇടവേളക്ക് ശേഷം മലയാള സിനിമയിലേക്ക് തിരിച്ചുവരാന്‍ ഒരുങ്ങിയിരിക്കുകയാണ് നടി പൂര്‍ണ്ണിമ ഇന്ദ്രജിത്ത് .ആഷിഖ് അബു ചിത്രം വൈറസ്സില്‍ ഭര്‍ത്താവ് ഇന്ദ്രജിത് സുകുമാരനൊപ്പമാണ് സ്‌ക്രീനില്‍ എത്തുക. നടന്‍ ഇന്ദ്രജിത്തുമായുള്ള വിവാഹ ശേഷം സിനിമ അഭിനയ രംഗത്ത് നിന്നും മാറി നിന്ന നടി പൂര്‍ണ്ണിമയുടെ തിരിച്ചുവരവ് ഭര്‍ത്താവ് ഇന്ദ്രജിത്തിനൊപ്പമാണ്.

ഇന്ദ്രജിത്തിനൊപ്പം വൈറസിലൂടെയാണ് താരപത്‌നി തിരിച്ചെത്തുന്നത്. മലയാള സിനിമയിലെ മിക്ക താരങ്ങളും ഈ ചിത്രത്തിനായി അണിനിരക്കുന്നുണ്ട്.നിപ്പ പ്രതിരോധ പ്രവര്‍ത്തനങ്ങളില്‍ സജീവമായിരുന്നു പ്രധാന ഉദ്യോഗസ്ഥന്റെ റോളിലാണ് ഇന്ദ്രജിത്ത് എത്തുന്നത്.

17 ജീവനുകള്‍ കവര്‍ന്ന പനിയെ പ്രമേയമാക്കി മലയാളത്തില്‍ ഇറങ്ങുന്ന ഏക ചിത്രമാണ് വൈറസ്. ജനുവരി ഏഴാം തിയ്യതിയാണ് വൈറസിന് കോഴിക്കോട് തുടക്കമായത്. കോഴിക്കോട് മെഡിക്കല്‍ കോളേജില്‍ ആയിരുന്നു ആരംഭം.

ആഷിഖ് അബു ആണ് ചിത്രം സംവിധാനം ചെയുന്നത്.കുഞ്ചാക്കോ ബോബന്‍, രേവതി, ആസിഫ് അലി, റിമ കല്ലിങ്കല്‍, ടൊവിനോ തോമസ്, പാര്‍വതി, രമ്യ നമ്ബീശന്‍, സൗബിന്‍ ഷാഹിര്‍, ഇന്ദ്രന്‍സ്, ദിലീഷ് പോത്തന്‍, മഡോണ, ജോജു ജോര്‍ജ്, ഷറഫുദ്ദീന്‍, സെന്തില്‍ കൃഷ്ണ, തുടങ്ങിയ വന്‍ താര നിരയാണ് ചിത്രത്തില്‍ അണി നിരക്കുക.

വരത്തന്‍ ചിത്രത്തിന്റെ തിരക്കഥ രചിച്ച സുഹാസ്-ഷറഫു കൂട്ടുകെട്ട് മുഹ്‌സിന്‍ പരാരിയുമായി കൈകോര്‍ക്കുന്നതാവും സ്ക്രിപ്റ്റ്. സുഡാനി ഫ്രം നൈജീരിയ എന്ന ഹിറ്റ് ചിത്രത്തിന്റെ സംഭാഷണം രചിച്ചത് മുഹ്‌സിനാണ്. ഒ.പി.എം. പ്രൊഡക്ഷന്‍സാണ് ചിത്രം നിര്‍മ്മിക്കുന്നത്.

മോഹന്‍ലാലിനൊപ്പമുള്ള ചിത്രം പങ്കുവെച്ച്‌ നടി പ്രിയ വാര്യര്‍: ‘ഭാവിയില്‍ എന്നെ കാത്തിരിക്കുന്ന എല്ലാ വിജയങ്ങള്‍ക്കുമായി അദ്ദേഹത്തിന്റെ പാദങ്ങളില്‍ വീണ് അനുഗ്രഹം വാങ്ങി’

നടന്‍ മോഹന്‍ലാലിനെ കണ്ടുമുട്ടിയ സന്തോഷം പങ്കുവച്ച്‌ നടി പ്രിയ വാര്യര്‍. നടന്നത് സത്യം തന്നെയാണെന്ന് വിശ്വസിക്കാനാകുന്നില്ലെന്നും മോഹന്‍ലാലിനെ പോലെ ഒരു ഇതിഹാസത്തെ കാണാനും അല്പം സമയം കൂടെ ചെലവിടാനും സാധിച്ച താന്‍ ഭാഗ്യവതിയാണെന്നും പ്രിയ സോഷ്യല്‍ മീഡിയയില്‍ കുറിച്ചു.

നടി വിദ്യാ ഉണ്ണിയുടെ ഔട്ട് ഡോര്‍ ഷൂട്ട് വൈറല്‍; മനോഹര ചിത്രങ്ങള്‍ കാണാം

നടി ദിവ്യാ ഉണ്ണിയുടെ സഹോദരിയും നടിയുമായ വിദ്യാ ഉണ്ണിയുടെ ഔട്ട് ഡോര്‍ ഷൂട്ട് വൈറലാകുന്നു. വിവാഹ ശേഷം ദിവ്യ ഉണ്ണിക്കൊപ്പവും ഭര്‍ത്താവിനൊപ്പവുമുള്ള മനോഹര ചിത്രങ്ങളാണ് കോക്കനട്ട് വെഡ്ഡിങ് സിനിമാസ് പുറത്തുവിട്ടിരിക്കുന്നത്.