‘കഞ്ഞി എടുക്കട്ടേ’ എന്നത് തമാശയോ അശ്ലീലമോ ആണോ?: ‘ഒടിയന്‍’ തിരക്കഥാകൃത്ത് ഹരികൃഷ്ണന്‍ പ്രതികരിക്കുന്നു

ഒടിയനെ ട്രോളാനായി ട്രോളന്മാര്‍ ഏറ്റവും കൂടുതല്‍ ഉപയോഗിച്ച ആയുധമായിരുന്നു മഞ്ജു വാര്യരുടെ കുറച്ച്‌ കഞ്ഞിയെടുക്കട്ടെ മാണിക്യാ? എന്ന ഡയലോഗ്.വര്‍ഷങ്ങള്‍ക്ക് ശേഷം ഒടിയന്‍ മാണിക്യനും പ്രഭയും കണ്ടുമുട്ടുമ്ബോള്‍ തന്റെ ജീവിതാനുഭവങ്ങളെപ്പറ്റി മാണിക്യന്‍ പ്രഭയോട് വാചാലനാവുകയാണ്. പ്രഭയുടെ ജീവിതത്തെപറ്റിയും അവിടെ പരാമര്ശിക്കുന്നുണ്ട്. ഇത്രയും ഗൗരവകരമായ ഒരു സംഭാഷണത്തിനൊടുവില്‍ അതേപ്പറ്റി ഒന്നും പറയാതെ പരസ്പരബന്ധമില്ലാതെ കഞ്ഞിയെടുക്കട്ടെ എന്ന് മാണിക്യനോട് ചോദിച്ചതാണ് ട്രോളുകള്‍ക്കെല്ലാം വഴിവച്ചിരിക്കുന്നത്. ഇപ്പോഴിതാ ഇതില്‍ പ്രതികരിച്ച്‌ ഓടിയന്റെ തിരക്കഥാകൃത്ത് ഹരികൃഷ്ണന്‍.

“ആ ഡയലോഗ് എഴുതുമ്പോള്‍ എന്താണ് ഉദ്ദേശിച്ചത് എന്ന് എനിക്ക് വ്യക്തമായ ബോധ്യമുണ്ട്. അത് അനുചിതമായിരുന്നു എന്ന് ഈ നിമിഷം വരെ തോന്നുന്നില്ല. ജീവിതത്തോളം സ്വാഭാവിമാണ് തിരക്കഥയും എന്ന് വിശ്വസിക്കുന്ന ആളാണ് ഞാന്‍. ജീവിതത്തിലെ പല വൈകാരിക സന്ദര്‍ഭങ്ങളിലും അത്തരം സംഭാഷണങ്ങള്‍ക്കിടയിലും ചിലപ്പോള്‍, ആ സന്ദര്‍ഭവുമായി യാതൊരു ബന്ധവുമില്ലാത്ത ചില കാര്യങ്ങള്‍ നമ്മള്‍ തിരിച്ചു പറയാറുണ്ട്. ‘ഞാനൊരു സിഗരറ്റ് വലിക്കട്ടെ’, ‘ഞാനൊരു ചായകുടിക്കട്ടെ’ എന്നൊക്കെ പറയാറുണ്ട്. ജീവിതത്തിലെ വൈകാരിക ഘട്ടങ്ങളില്‍ അതു മാത്രല്ല നമ്മള്‍ സംസാരിക്കുന്നത്. അതു തന്നെയാണ് ഇവിടെയും സംഭവിച്ചത്.

ആ വീട്ടിലെ കഞ്ഞികുടിച്ചു ജീവിച്ചിരുന്ന ഒരാള്‍ 15 വര്‍ഷങ്ങള്‍ക്ക് ശേഷം തിരിച്ചു വരികയാണ്. അയാള്‍ക്ക് കുറച്ച്‌ ഭക്ഷണം കൊടുക്കുകയല്ലേ ആദ്യം ചെയ്യേണ്ടത്. കഞ്ഞി വേണോ എന്ന ചോദ്യം അത്ര തമാശയോ അശ്ലീലമോ ആണോ? ഈ വിമര്‍ശിക്കുന്നവരുടെ മനസില്‍ കഞ്ഞിയല്ല, മറ്റെന്തോ ആണ്. ഒടിയന്‍ നന്മയുള്ള മനസു കൊണ്ട് കാണേണ്ട സിനിമയാണ്.അത്രയേ എനിക്ക് പറയാനുള്ളൂ ഹരികൃഷ്ണന്‍ പറഞ്ഞു. പ്രമുഖ മാധ്യമത്തിന് നല്‍കിയ അഭിമുഖത്തിലാണ് അദ്ദേഹം വിമര്‍ശനങ്ങളോട് പ്രതികരിച്ചത്.

‘അനിയത്തിക്കുട്ടിയാണ് എന്റെ ജീവിതം, അവളില്ലെങ്കില്‍ ഞാനില്ല’! ടിക് ടോക്കില്‍ അനിയത്തി സ്‌നേഹം പങ്കുവച്ച്‌, മനം കവര്‍ന്ന അന്‍സല്‍ പറയുന്നു

‘അനിയത്തിക്കുട്ടിയാണ് എന്റെ ജീവിതം, അവളില്ലെങ്കില്‍ ഞാനില്ല’. പറയുന്നത് അന്‍സലാണ്. ഓട്ടിസ്റ്റിക്കായ അനിയത്തിക്കുട്ടിയ്‌ക്കൊപ്പം ടിക് ടോക് വീഡിയോ ചെയ്യുമ്ബോള്‍ ലോകത്തിന്റെ മുഴുവന്‍ കൈയ്യടി തന്നെ തേടിയെത്തുമെന്ന് അന്‍സല്‍ വിചാരിച്ചിരുന്നില്ല.

കൊല്ലം കൊട്ടിയം സ്വദേശിയാണ് അന്‍സല്‍. യൂനസ് കോളജ് ഓഫ് എന്‍ജിനിയറിങ് ആന്റ് ടെക്‌നോളജിയിലെ മൂന്നാം വര്‍ഷ ബിടെക് വിദ്യാര്‍ഥി. അനിയത്തി സ്‌നേഹത്തെക്കുറിച്ച്‌ മനസ്സുതുറക്കുകയാണ് അന്‍സല്‍. ‘അല്‍സിയ എന്നാണവളുടെ പേര്. ഓട്ടിസമാണ്.് പന്ത്രണ്ട് വയസ്സുണ്ട്.

ഇടക്കിടെയുള്ളതാണ് ഈ കലാപരിപാടി. ഞാന്‍ പറഞ്ഞാലേ അവള്‍ അനുസരിക്കൂ. വലിയ സന്തോഷമാണ് ക്യാമറക്ക് മുന്നില്‍ നില്‍ക്കുമ്ബോ. ഒരുപാട് വീഡിയോ ചെയ്തിട്ടുണ്ടെങ്കിലും അവസാനം ചെയ്ത വീഡിയോ ആണ് വൈറലായത്. ഒരിക്കലും പ്രതീക്ഷിച്ചില്ല ഇങ്ങനെയൊക്കെ ആകുമെന്ന്. വീഡിയോ വൈറലായതോടെ ഉമ്മയും ഉപ്പയും അനിയത്തിയ്ക്കും ഒരുപാട് സന്തോഷമായി.

നിത്യദാസ് ഇപ്പോള്‍ എവിടെയാണ്! നവ്യയ്‌ക്കൊപ്പം റിമി ടോമിയെ കാണാനെത്തി! വീഡിയോ വൈറല്‍! കാണൂ!

മിനിസ്‌ക്രീന്‍ പ്രേക്ഷകരുടെ പ്രിയപ്പെട്ട പരിപാടികളിലൊന്നാണ് ഒന്നും ഒന്നും മൂന്ന്.മലയാളികളുടെ പ്രിയപ്പെട്ട അഭിനേത്രികളായ നവ്യ നായരും നിത്യാ ദാസുമാണ് അടുത്തതായി പരിപാടിയിലേക്ക് എത്തുന്നത്. ഞായറാഴ്ച സംപ്രേഷണം ചെയ്യുന്ന പരിപാടിയുടെ പ്രമോ വീഡിയോ ഇതിനോടകം തന്നെ സോഷ്യല്‍ മീഡിയയിലൂടെ വൈറലായിരുന്നു.

നവ്യ നായരും നിത്യ ദാസും റിമിയോടൊപ്പം..!

ഇഷ്ടത്തിലൂടെ മലയാളികളുടെ ഇഷ്ടം നേടിയ നവ്യ നായരും ഈ പറക്കും തളികയിലെ ബസന്തിയായ് മലയാളിമനസ്സുകളിലേക്ക് കയറിയ നിത്യാ ദാസും റിമിയോടൊപ്പം..! ഒന്നും ഒന്നും മൂന്നു സീസൺ 3 ഞായർ രാത്രി 9 മണിക്ക് മഴവിൽ മനോരമയിൽ. #OnnumOnnumMoonuSeason3 #MazhavilManorama #Bismi #JoscoJewellers #Vstar #MCRPureCottonClub

Posted by Mazhavil Manorama on Friday, December 14, 2018

‘ആലിയ കപൂര്‍’ എന്ന് വിളിക്കാമോയെന്ന് ആരാധകന്‍; തകര്‍പ്പന്‍ മറുപടിയുമായി ആലിയ…

ബോളിവുഡില്‍ താരവിവാഹങ്ങളുടെ മേളം ഇനിയും അവസാനിച്ചിട്ടില്ല. അടുത്തതായി ആലിയ ഭട്ട്- രണ്‍ബീര്‍ കപൂര്‍ വിവാഹത്തെ കുറിച്ചാണ് ആരാധകരുടെ ‘ആശങ്ക’. എന്നാല്‍ വിവാഹത്തെ കുറിച്ച് രണ്ടുപേരും ഇതുവരെ കൃത്യമായ പ്രതികരണങ്ങളൊന്നും നല്‍കിയിട്ടില്ല. ഇപ്പോള്‍ പ്രണയത്തിലാണെന്ന് താരങ്ങളും വീട്ടുകാരും തുറന്നുസമ്മതിച്ചതോടെ ഇക്കാര്യത്തെ കുറിച്ച് പരസ്യമായ ചര്‍ച്ചകളാണ് ബോളിവുഡിലും നടക്കുന്നത്

ഈ ചര്‍ച്ചകളുടെ ചുവട് പിടിച്ചാണ് ഏതാനും ആരാധകര്‍ ആലിയയുമായി ട്വിറ്ററില്‍ ചോദ്യോത്തര പരിപാടിയിലേര്‍പ്പെട്ടത്.’ഞങ്ങള്‍ക്ക് ആലിയ കപൂര്‍ എന്ന് വിളിക്കാമോ’ എന്നായിരുന്നു ആരാധകന്റെ ചോദ്യം. ഹിമാന്‍ഷു കകാനി എന്ന വ്യക്തിയാണ് ഇത്തരത്തിലൊരു ചോദ്യം ട്വിറ്ററിലൂടെ ഉന്നയിച്ചത്. ഉടനടി തന്നെ ആലിയയുടെ മറുപടിയും വന്നു.

ഹിമാംഷു കകാനി എന്ന പേര് മാറ്റി ‘താങ്കളെ ഞാന്‍ ഹിമാംഷു ഭട്ട് എന്ന് വിളിക്കട്ടെ’യെന്നായിരുന്നു ആലിയയുടെ മറുചോദ്യം. ഇതോടെ ആരാധകന്റെ സംശയവും തീര്‍ന്നു.

ഞാനൊരു കോടീശ്വരനും സുന്ദരനുമല്ലാത്തത് കൊണ്ട് മലയാളികള്‍ എന്റെ സിനിമ കാണുന്നില്ല; സന്തോഷ് പണ്ഡിറ്റ്

തന്റെ ഏറ്റവും പുതിയ റിലീസ് ആയ ഉരുക്ക് സതീശൻ ശരാശരി വിജയം മാത്രമാണ് നേടിയതെന്ന് സന്തോഷ് പണ്ഡിറ്റ്. താൻ കോടീശ്വരനും സുന്ദരനുമല്ലാത്തതിനാൽ ഒരു വിഭാഗം മലയാളികൾ സിനിമ കാണാൻ എത്തുന്നില്ലെന്നും ഉരുക്ക് സതീശൻ മികച്ചൊരു എന്റർടെയ്നർ ആയിരുന്നെന്നും പണ്ഡിറ്റ് പറയുന്നു.

സന്തോഷ് പണ്ഡിറ്റിന്റെ കുറിപ്പ്

ഞാന്‍ വെറും 5 ലക്ഷം ബജറ്റില്‍ ചെയ്തിരുന്ന സിനിമ ആയിരുന്ന “ഉരുക്ക് സതീശന്‍”..കഴിഞ്ഞ ജൂണില്‍ റിലീസായ്. ആവറേജില്‍ ഒതുങ്ങി..

വലിയ ബജറ്റ് മുടക്കാത്തതു കൊണ്ടും, താരതമ്യേന എനിക്ക് സൗന്ദര്യം കുറവായതു കൊണ്ടും, ഞാനൊരു കോടീശ്വരന്‍ അല്ലാത്തതു കൊണ്ടും ആകണം ഒരു വിഭാഗം മലയാളികള്‍ എന്റെ സിനിമ കാണുന്നില്ല..യഥാ൪ത്ഥത്തില്‍ നൂറിലധികം പുതുമുഖങ്ങളെ അണിനിരത്തി 8 ഗാനങ്ങളും നിരവധി സംഘട്ടനങ്ങളും, ഇഷ്ടം മാതിരി പഞ്ച് ഡയലോഗുകളും, 108 സീനുകളും ഉള്ള സിനിമയായിരുന്നു..’ഉരുക്ക് സതീശന്‍’…

കേരളത്തോടൊപ്പം ബെംഗലൂരു, മൈസൂര്‍, രാജസ്ഥാന്‍, മഹാരാഷ്ട്ര എന്നിവിടങ്ങളില്‍ വെച്ചായിരുന്നു ഷൂട്ടിങ്..ഭൂരിഭാഗം ജോലിയും ഞാന്‍ ഒറ്റക്ക് ചെയ്യുന്നു എന്ന ദേഷ്യത്തിലും അസൂയകൊണ്ടും പല വിമ൪ശകരും ഞാന്‍ ചെയ്തതെന്ത് എന്നുകാണാറില്ല..എന്നാലോ കാണാത്ത സിനിമയെകുറിച്ച്‌ കണ്ണു പൊട്ടന്‍ ആനയെ വിലയിരുത്തും പൊലെ അഭിപ്രായങ്ങളും പറയും..

എനിക്കാരോടും പരിഭവമോ, ഇതാലോചിച്ച്‌ വിഷമവും ഇല്ല…എല്ലാം ഭാവിയില്‍ ശരിയാകും എന്നും വിശ്വസിക്കുന്നു..എങ്കിലും കണ്ടവരെല്ലാം വളരെ ഹാപ്പിയായ് എന്നറിയുവാന്‍ കഴിഞ്ഞു…

സന്തോഷം..നല്ല ഫീഡും തന്നു..ഗാനങ്ങളും നല്ല അഭിപ്രായം നേടി..ചെറിയ ബജറ്റില്‍ നി൪മിക്കുന്നതിനാല്‍ ഇന്നേവരെ എന്റെ ഒരു സിനിമയും പരാജയപ്പെട്ടില്ല.. അഞ്ചിരട്ടിയോളമൊക്കെ കൂളായ് ലാഭവും കിട്ടുന്നു..

അതാണ് ഞാനെപ്പോഴും കൂളായ് ശാന്തിയോടും, സമാധാനത്തോടേയും ഇരിക്കുന്നെ..എന്റെ ഈ ശൈലിയും, രീതിയും ശരിയാണ് എന്ന് നിങ്ങള്‍ കരുതുന്നുണ്ടോ..

കളക്ഷന്‍ റെക്കോര്‍ഡില്‍ ചരിത്രത്തിലിടം നേടി ‘ഒടിയന്‍’; ആദ്യദിനം കൊണ്ട് സ്വന്തമാക്കിയത് 11.78 കോടി

കാത്തിരിപ്പുകള്‍ക്ക് വിരാമമിട്ട് കൊണ്ടാണ് മോഹന്‍ലാല്‍- ശ്രീകുമാര്‍ മേനോന്‍ കൂട്ടുകെട്ടില്‍ ‘ഒടിയന്‍’ ഇന്നലെ തിയേറ്ററുകളിലെത്തിയത്. ആദ്യ ദിവസം തന്നെ റെക്കോഡ് കളക്ഷന്‍ സ്വന്തമാക്കി എന്ന പ്രത്യേകതയിനി ഒടിയന് സ്വന്തം. ഗള്‍ഫ് രാജ്യങ്ങളില്‍ മാത്രമായി 684 ഷോയില്‍ 4.73 കോടിയുടെ കളക്ഷനാണ് ലഭിച്ചത്.ഇതോടെ ഇന്ത്യയ്ക്ക് പുറത്ത് മാത്രം 16.53 കോടി രൂപയാണ് ചിത്രത്തിന് ലഭിച്ചത്. തെന്നിന്ത്യയില്‍ തന്നെ ആദ്യമായി ഒരു ദിവസത്തെ ഏറ്റവും കൂടുതല്‍ കളക്ഷന്‍ റെക്കോര്‍ഡ് സ്വന്തമാക്കിയാണ് ഒടിയന്‍ കുതിക്കുന്നത്.

2500 തിയേറ്ററുകളിലായി 10,000 ഷോകളിലാണ് ചിത്രം പ്രദര്‍ശനത്തിനെത്തിയത്. ഹര്‍ത്താല്‍ ദിവസമായിട്ട് പോലും നിറഞ്ഞ സദസ്സുകളിലാണ് ഒടിയന്‍ ഓടിയത്. കുടുംബ പ്രേക്ഷകരും യൂത്തും ഒരുപോലെയാണ് തിയെറ്ററുകളിലെത്തിയത്. ഒരാഴ്ച കൊണ്ട് 50 കോടി കളക്ഷനാണ് ചിത്രം പ്രതീക്ഷിക്കുന്നത്. എന്നാല്‍ കോരളത്തിലെ കളക്ഷന്റെ കാര്യം അണിയറ പ്രവര്‍ത്തകര്‍ പുറത്ത് വിട്ടിട്ടില്ല.

മോഹന്‍ലാലിന്റെ പണം കൊണ്ടാണോ സിനിമ എടുക്കുന്നത്?ആന്റണി പെരുമ്ബാവൂരിന്റെ കിടിലന്‍ മറുപടി

നരസിംഹത്തില്‍ തുടങ്ങിയ ആന്റണി പെരുമ്ബാവൂര്‍ എന്ന നിര്‍മ്മാതാവിന്റെ നിര്‍മ്മാണ ജീവിതം ഒടിയനില്‍ എത്തി നില്‍ക്കുന്നു. ദിവസം 3000ത്തോളം ഷോകള്‍ നടക്കുന്ന മലയാളത്തിലെ ആദ്യത്തെ പടമാണ് ഒടിയന്‍. മോഹന്‍ലാലിന്റെ സന്തതസഹചാരി എന്ന നിലയില്‍ തന്റെ നിര്‍മ്മാണ ജീവിതത്തില്‍ കേള്‍ക്കുന്ന ഏറ്റവും വലിയ ചോദ്യത്തിന് മറുപടി പറയുകയാണ് ആന്റണി . മോഹന്‍ലാലിന്റെ പണംകൊണ്ടാണു ആന്റണി സിനിമയെടുക്കുന്നതെന്നാണു പലരുടെയും പരാതി, അത് അങ്ങനെയല്ലെന്ന് പറയുന്ന ആന്റണി അങ്ങനെ ആകണമെന്നുതന്നെയാണു എന്റെ ആഗ്രഹം എന്നും പറയുന്നു.മോഹന്‍ലാലിനെപ്പോലെ ഒരു വലിയ മനുഷ്യന്‍ എന്നെ വിശ്വസിച്ചു പണം ഏല്‍പ്പിക്കുന്നു എന്നതിലും വലിയ ബഹുമതിയുണ്ടോ. മോഹന്‍ ലാലിന്റെ പണംകൊണ്ടു നിര്‍മ്മിച്ചാല്‍ എന്താണുകുഴപ്പം.അതു മോഹന്‍ലാലിനെ മാത്രം ബാധിക്കുന്ന കാര്യമല്ലെ എന്നുമാണ് ആന്റണി ചോദിക്കുന്നത്.
മോഹന്‍ലാല്‍ പപ്പടമോ കംപ്യൂട്ടറോ എന്തു വേണമെങ്കിലും ഉണ്ടാക്കി വില്‍ക്കട്ടെ. അതിനെന്തിനാണു പുറത്തുള്ളവര്‍ അസ്വസ്ഥരാകുന്നത് എന്നും ആന്റണി ചോദിക്കുന്നു.മാത്രമല്ല അദ്ദേഹത്തിന്റെ പ്രതിഫലം വലുതാണെങ്കില്‍ അതു നല്‍കാവുന്നവര്‍ സിനിമ നിര്‍മ്മിക്കട്ടെയെന്നും പ്രതിഫലം കൂട്ടി മലയാള സിനിമ നശിപ്പിച്ചുവെന്നു പറയുന്ന ഒരാളും എന്റെ പ്രതിഫലം കൂടിപ്പോയി എന്നു പറഞ്ഞു നിര്‍മ്മാതാവിനോ പ്രസാധകനോ ജോലി ചെയ്യുന്ന സ്ഥാനപത്തിനോ തിരിച്ചു കൊടുത്തതായി കേട്ടിട്ടില്ലെന്നും ആന്റണി പറയുന്നു.

മാണിക്യാ ഇത്തിരി കഞ്ഞിയെടുക്കട്ടേ?- ശ്രീകുമാര്‍ മേനോന് പൊങ്കാല

പ്രതീക്ഷകള്‍ക്കും കാത്തിരിപ്പുകള്‍ക്കുമൊടുവില്‍ മോഹന്‍ലാലിനെ നായകനാക്കി പരസ്യ സംവിധായകന്‍ ശ്രീകുമാര്‍ മേനോന്‍ സംവിധാനം ചെയ്ത ചിത്രം ഒടിയന്‍ തിയേറ്ററുകളിലെത്തി. എന്നാല്‍, അമിത പ്രതീക്ഷയുമായി പോയവരെ നിരാശപ്പെടുത്തുന്നതായിരുന്നു പടം. പ്രതീക്ഷകള്‍ തകര്‍ന്നതിന്റെ പശ്ചാത്തലത്തില്‍ സംവിധായകന്‍ ശ്രീകുമാര്‍ മേനോന് ഫേസ്ബുക്കില്‍ പൊങ്കാലയിടുകയാണ് ഫാന്‍സ്.
രണ്ടാമൂഴത്തിന്റെ തിരക്കഥ തിരിച്ചു ചോദിച്ച എം ടി സാര്‍ ആണ് ഞങ്ങടെ ഹീറോയെന്ന് ചിലര്‍ പറയുന്നു. ഒടിയന്‍ റിലീസിന്റെ തലേന്നാണ് ബിജെപി സംസ്ഥാന വ്യാപകമായി ഹര്‍ത്താല്‍ പ്രഖ്യാപിച്ചത്. എന്നാല്‍, ഒടിയനു വേണ്ടി വന്‍ പ്രതിഷേധമായിരുന്നു ആരാധകര്‍ നടത്തിയത്. മമ്മൂട്ടി ഫാന്‍സ് വരെ മോഹന്‍ലാലിന്റെ ഒടിയന് പിന്തുണ അറിയിച്ചിരുന്നു

എന്നാല്‍ വേണ്ടിയിരുന്നില്ലെന്നും ഹര്‍ത്താല്‍ പ്രഖ്യാപിച്ച സംഘികളായിരുന്നു ശരിയെന്നും ഇന്നവര്‍ മാറ്റിപ്പറയുകയാണ്. ചിത്രത്തെ കുറിച്ച്‌ അമിത പ്രതീക്ഷ നല്‍കിയത് സംവിധായകന്റെ വാക്കുകള്‍ തന്നെയായിരുന്നു. ഇത് പലപ്പോഴും സോഷ്യല്‍ മീഡിയകളില്‍ പരിഹാസത്തിനു കാരണമാവുകയും ചെയ്തിരുന്നു. ഏതായാലും കാത്തിരുന്ന് കാണാം ബോക്സോഫീസില്‍ ഒടിയന്റെ ഭാവി എന്താകുമെന്ന്.

മലിനജല ബോധവത്കരണം; ബെലന്തൂര്‍ തടാകത്തില്‍ മുങ്ങി നിവര്‍ന്ന് നടി രഷ്മിക

തടാകത്തിനു തീപിടിക്കുന്നതും പത പൊങ്ങി സോപ്പുകുമിളകള്‍ പോലെ തടാകം ഉയരുന്ന കാഴ്ചയും ബെംഗളൂരുവിലെ ബെലന്തൂര്‍ തടാകത്തില്‍ കാണാം. അത്രയേറെ മലിനമായ ആ തടാകത്തിലിറങ്ങി ജലമലിനീകരണത്തെക്കുറിച്ച്‌ ബോധവല്‍ക്കരിക്കാന്‍ തെന്നിന്ത്യന്‍ നടി രഷ്മിക മന്ദനയാണ് ബെലന്തൂര്‍ തടാകത്തില്‍ ഇറങ്ങി ഫോട്ടോ ഷൂട്ട് നടത്തിയത്.